ನೆಲ್ಲಿ ಕಾಯಿ ಜಾಮ್

ನೆಲ್ಲಿಕಾಯಿ - ೨ ಬಟ್ಟಲು
ಸಕ್ಕರೆ - ೨ ಬಟ್ಟಲು
 ಏಲಕ್ಕಿ -೩/೪




ವಿಧಾನ :
           ನೆಲ್ಲಿಕಾಯನ್ನು ತುರಿದುಕೊಳ್ಳಿ. ಇಲ್ಲವೇ  ಹೆಚ್ಚಿ ರುಬ್ಬಿ.
 ಇದಕ್ಕೆ ಸಕ್ಕರೆ ಇಡೀ  ಏಲಕ್ಕಿ ಹಾಕಿ ಪಾಕ ಬರುವ ತನಕ  ಕಾಯಿಸಿ. ಸಣ್ಣ ಉರಿಯಲ್ಲೇ !


 ೨ ವರ್ಷವಾದರೂ .... ನಿನ್ನೆ ಮಾಡಿದ ಹಾಗೆ ಇರುವದು!   ಆದರೆ ನೀವು ಮಾಡಬೇಕಾಗಿದ್ದು ಇಷ್ಟೇ .... ಗಾಳಿಯಾಡದ ಡಬ್ಬದಲಿ ಸಂಗ್ರಹಿಸಿ.




ಊರಿಂದ ಬೆಟ್ಟದ ನೆಲ್ಲಿಕಾಯಿ   ದಬಾಯಿಸಿ ಬಂದಿದೆ...... ತರಾವರಿ  ನಡೆದಿದೆ...... ಫುಲ್  ಬ್ಯುಸಿ .......



ಉಪ್ಪಿನ ಕಾಯಿಗೆ ಇನ್ನೊಂದು ವಾರ ಕಾಯಲೇಬೇಕು......



ಚಂದ್ರಿಕಾ ಹೆಗಡೆ 

ಹಲಸಿನ ಹಣ್ಣಿನ ಪಾಯಸ -೨

ಅಗತ್ಯ:
           ಹಲಸಿನ ತೊಳೆ- ೧ ಬಟ್ಟಲು
           ಬೆಲ್ಲ- ೧/೨ ಬಟ್ಟಲು
            ತೆಂಗಿನ ಹಾಲು- ೨ ಬಟ್ಟಲು
           ಎಳ್ಳು- ೧ ಚಮಚ
            ತುಪ್ಪ - ೪ ಚಮಚ
           ಏಲಕ್ಕಿ- ೧/೨ಚಮಚ
            ಚಿಟಿಕೆ ಉಪ್ಪು




ವಿಧಾನ :
ಹಲಸಿನ ತೊಳೆಯಿಂದ ಬೀಜ ಬೇರ್ಪಡಿಸಿ. ಕುಕ್ಕರ್ನಲ್ಲಿ ೧ ವಿಷಲ್  ಮಾಡಿ.
ಆರಿದ ಮೇಲೆ  ರುಬ್ಬಿಕೊಳ್ಳಿ.
ತೆಂಗಿನ ಹಾಲನ್ನು ಸಿದ್ಧ ಮಾಡಿ.(  ೧ ೧/೨ ಬಟ್ಟಲು ತೆಂಗಿನ ತುರಿಯನ್ನು ಸ್ವಲ್ಪ ನೀರಿನಲ್ಲಿ ನುಣ್ಣನೆ ರುಬ್ಬಿ ಸೋಸಿಕೊಲ್ಲಿ.)
ತೆಂಗಿನ ಹಾಲಿಗೆ ರುಬ್ಬಿಟ್ಟ  ಹಲಸಿನ ಮಿಶ್ರಣ ಬೆಲ್ಲ ಚಿಟಿಕೆ ಉಪ್ಪು ಹಾಕಿ ಚೆನ್ನಾಗಿ ಕುದಿಸಿ .ಇದಕ್ಕೆ  ತುಪ್ಪದಲ್ಲಿ ಎಳ್ಳು ಹುರಿದು ಒಗ್ಗರಣೆ ಕೊಡಿ.




* ಹಲಸಿನ ಹಣ್ಣಿನ ಕಾಲದಲ್ಲಿ ತೊಳೆಗಳನ್ನು ಬೀಜ ಬೇರ್ಪಡಿಸದೆ  ಗಾಳಿ ಆಡದ ಡಬ್ಬದಲ್ಲಿ ಫ್ರಿಜೆರ್  ನಲ್ಲಿ ಇಟ್ಟರೆ  ಬಹುಕಾಲ ..... ಬಳಸಬಹುದು. *




ಸಿಹಿತನ ದಲ್ಲಿ  ಸೊಗಸಿದೆ ........



ಚಂದ್ರಿಕಾ ಹೆಗಡೆ 

ಮೂಲಂಗಿ ಪಲ್ಯ

ಅಗತ್ಯ;

          ಮೂಲಂಗಿ ಸೊಪ್ಪು& ಗಡ್ಡೆ  - ೨

           ಬೆಳ್ಳುಳ್ಳಿ - ೫-೬

            ಹಸಿ ಮೆಣಸಿನ ಕಾಯಿ - ೨

             ಕರಿಬೇವು 

          ಉಪ್ಪು 

           ಎಣ್ಣೆ- ೨ ಚಮಚ 

           ತೆಂಗಿನ ತುರಿ  ಸ್ವಲ್ಪ 

             ಖಾರ ಪುಡಿ- ೧ ಚಮಚ 

            ಅರಿಸಿನ - ೧/೪ ಚಮಚ 

ವಿಧಾನ :

 ಮೂಲಂಗಿ ಸೊಪ್ಪು ತೊಳೆದು ಹೆಚ್ಚಿಟ್ಟುಕೊಳ್ಳಿ 

ಗಡ್ಡೆಯ ಸಿಪ್ಪೆ ತೆಗೆದು ಸಣ್ಣಗೆ ಹೆಚ್ಚಿಡಿ 

ಬೆಳ್ಳುಳ್ಳಿ ಸಿಪ್ಪೆ ತೆಗೆಯಿರಿ 

 ಬಾಣಲೆಗೆ ಎಣ್ಣೆ ಹಾಕಿ.ಬೆಳ್ಳುಳ್ಳಿ ಹುರಿದುಕೊಳ್ಳಿ . ಅರ್ಧ ಹುರಿಯುತ್ತಿದ್ದಂತೆ 

ಹಸಿಮೆಣಸಿನ ಕಾಯಿ, ಕರಿಬೇವು, ಅರಿಸಿನ  ಪುಡಿ ಹಾಕಿ. ಇದಕ್ಕೆ ಹೆಚ್ಚಿಟ್ಟ ಮೂಲಂಗಿ ಗಡ್ಡೆ  ಹಾಕಿ ಸಣ್ಣ ಉರಿಯಲ್ಲಿ ೩-೪ ನಿಮಿಷ ಮುಚ್ಚಿ ಬೇಯಿಸಿ.

ನಂತರ ಸೊಪ್ಪು, ಉಪ್ಪು ಹಾಕಿ ೪-೫ ನಿಮಿಷ ಸಣ್ಣ ಉರಿಯಲ್ಲಿ ಮುಚ್ಚಿಡಿ 

ಒ ಲೆ ಆರಿಸಿದ ಮೇಲೆ ತೆಂಗಿನ ತುರಿ ಸೇರಿಸಿ.

 ಬೇಕಿದ್ದರೆ ನಿಂಬೆ ರಸ ಸೇರಿಸಿ.

ಚಪಾತಿ/ ರೊಟ್ಟಿ ಗೆ ಬಳಸಬಹುದು .

ಸೊಪ್ಪು ಸಹಿತ ಅಡುಗೆ...... ಸ್ವಾದಿಷ್ಟ 

ಚಂದ್ರಿಕಾ ಹೆಗಡೆ 

ಸಿಂಪಲ್ ಬೆಳ್ಳುಳ್ಳಿ ತೊವ್ವೆ

ಅಗತ್ಯ :

ಹೆಸರು ಬೇಳೆ - ೧ ಕಪ್
ತೊಗರಿ ಬೇಳೆ - ೧/೪ ಕಪ್
ಬೆಳ್ಳುಳ್ಳಿ- ೫-೬
ಹಸಿಮೆಣಸು- ೨
ಕರಿಬೇವು
 ಅರಿಸಿನ  ಚಿಟಿಕೆ
ಉಪ್ಪು ರುಚಿಗೆ ತಕ್ಕಷ್ಟು
 ನಿಂಬೆ ರಸ - ೧ ಚಮಚ
ಸಕ್ಕರೆ ೧/೪ ಚಮಚ
ಒಗ್ಗರಣೆಗೆ-೩  ಚಮಚ ಎಣ್ಣೆ, ೧/೨ ಚಮಚ ಸಾಸಿವೆ

ವಿಧಾನ :

•            ಬೇಳೆಯನ್ನು  ಬೇಯಿಸಿಟ್ಟುಕೊಳ್ಳಿ . ಕುದಿಯುತ್ತಿದ್ದಾಗ ....
• ಒಗ್ಗರಣೆಗೆ  ಎಣ್ಣೆ ಸಾಸಿವೆ , ಬೆಳ್ಳುಳ್ಳಿ , ಕರಿಬೇವು, ಅರಿಸಿನ ಹಸಿಮೆಣಸು ,  ಹುರಿದು ಬೇಳೆಗೆ  ಹಾಕಿ .
• ಉಪ್ಪು , ಸಕ್ಕರೆ ಹಾಕಿ.
• ಒಲೆಯಿಂದ ಇಳಿಸಿಟ್ಟ  ಮೇಲೆ  ನಿಂಬೆರಸ ಸೇರಿಸಿ. 

ಸಿಂಪಲ್.... ಆದರೂ ... ಸೂಪರ್ .....

ಸರಳತೆ...... ಸುಲಭತೆ......

ಚಂದ್ರಿಕಾ ಹೆಗಡೆ 

ಅಕ್ಕಿ ತರಿ ಮಸಾಲಾ ಉಪ್ಪಿಟ್ಟು

                                                      ಅಕ್ಕಿ ತರಿ ಮಸಾಲಾ ಉಪ್ಪಿಟ್ಟು 


ಅಗತ್ಯ:

ಅಕ್ಕಿ ತರಿ- 2 ಬೌಲ್
ಈರುಳ್ಳಿ- 2
ಹಸಿ ಮೆಣಸು -2
ಕರಿಬೇವು
ಸಾಂಬಾರ್ ಪುಡಿ-1 ಚಮಚ
ಮೆಣಸಿನ ಪುಡಿ- 1 ಚಮಚ
1ಬೆಲ್ಲ - 1/2 ಚಮಚ ( ಜೋನಿ  ಬೆಲ್ಲ)
ಹುಳಿಸೆ  ರಸ- 1/2 ಚಮಚ
ಎಣ್ಣೆ- 4 ಚಮಚ
ಸಾಸಿವೆ- 1 ಚಮಚ
ಆರಿಸಿನ ಪುಡಿ - 1/2 ಚಮಚ
ತೆಂಗಿನ ತುರಿ - 1 ಬೌಲ್
ಉಪ್ಪು  ರುಚಿಗೆ ತಕ್ಕಸ್ಟು .

ಮಾಡುವ ವಿಧಾನ :

• ಅಕ್ಕಿ ತರಿಯನ್ನುಹೊಂಬಣ್ಣ  ಬರುವ ತನಕ ಹುರಿದುಕೊಳ್ಳಿ. ಎಣ್ಣೆ  ಹಾಕದೆಯೇ!
• 5 ಬೌಲ್ ನೀರನ್ನು ಕುದಿಸಿಟ್ಟುಕೊಳ್ಳಿ .
• ತೆಂಗಿನ ತುರಿ,  ಸಾಂಬಾರ್ ಪುಡಿ , ಬೆಲ್ಲ, ಅರಿಸಿನ , ಹುಳಿಸೆ  ರಸ,  ಸೇರಿಸಿ  ರುಬ್ಬಿಡಿ .
• ಈರುಳ್ಳಿ, ಹಸಿಮೆಣಸನ್ನು  ಹೆಚ್ಚಿ.
• ಬಾಣಲೆಗೆ  ಎಣ್ಣೆ, ಸಾಸಿವೆ, ಕರಿಬೇವು, ಹಸಿಮೆಣಸು  ಹಾಕಿ ಒಗ್ಗರಣೆ  ಮಾಡಿ , ಕುದಿಯುತ್ತಿರುವ ನೀರನ್ನು ಸೇರಿಸಿ- ಅಗತ್ಯ ಉಪ್ಪಿನೊಂದಿಗೆ.
• ಇದಕ್ಕೆ ರುಬ್ಬಿಟ್ಟ  ಮಿಶ್ರಣ ಸೇರಿಸಿ- 1 ನಿಮಿಷ ಕುದಿಯಲು  ಬಿಡಿ.
• ನಂತರ ಅಕ್ಕಿ ತರಿಯನ್ನು ಗಂಟಾಗದಂತೆ  ಹಾಕಿ . ಉರಿಯನ್ನು  ಸಣ್ಣಗೆ ಮಾಡಿ 5 ರಿಂದ- 7 ನಿಮಿಷ ಸಣ್ಣ ಉರಿಯಲ್ಲೇ ಇಡಿ.

ತಡವೇಕೆ ... ತಗೊಳ್ಳಿ ಎಂತೀರೋ ... ನಾನೇ  ತಿಂತೀನಿ ಎಂತೀರೋ.... ಯುವರ್ ಚಾಯ್ಸ್ .....:)

ರಜದಲ್ಲೇ     ಬ್ಲಾಗ್ ಪ್ರವೇಶಿಸಲು ಸುಸಮಯ ಎಂಬ  ಜ್ಞಾನೋದಯದಲ್ಲಿ ..

ಚಂದ್ರಿಕಾ  ಹೆಗಡೆ 

ಕೊಬ್ಬರಿ ಮಿಠಾಯಿ

ಕೊಬ್ಬರಿ ತುರಿ- ೨ ಕಪ್

ಸಕ್ಕರೆ- ೨ಕಪ್

ಎಲೆಕ್ಕಿ ಪುಡಿ- ೧ ಚಮಚ 

ತುಪ್ಪ- ೨ ಚಮಚ 

ಸಕ್ಕರೆಗೆ ಸ್ವಲ್ಪ ನೀರು( ಈ ಪ್ರಮಾಣಕ್ಕೆ ೧ ಕಪ್ ನೀರು )ಹಾಕಿ ಪಾಕ ಮಾಡಿ .

ಅಂಟು ಪಾಕ ಬಂದ ಮೇಲೆ( ಸುಮಾರು ೬-೮ ನಿಮಿಷ ಕುದಿಸಿದ ಮೇಲೆ) ಕೊಬ್ಬರಿ ಏಲಕ್ಕಿ  ಪುಡಿ ಹಾಕಿ  ಹೊಂದುವಂತೆ  ಸೌಟಿನಲ್ಲಿ ತಿರುವಿ.

೩-೪ ನಿಮಿಷ ಹಾಗೆ ತಿರುವಿ

ತುಪ್ಪ ಸವರಿದ  ಪ್ಲೇಟ್  ಗೆ  ವರ್ಗಾಯಿಸಿ. 

ಬಿಸಿ ಇರುವಾಗಲೇ ಬೇಕಾದ ಆಕಾರಕ್ಕೆ ಕತ್ತರಿಸಿ.

ತೆಂಗು - ತರಾವರಿ 

ಚಂದ್ರಿಕಾ ಹೆಗಡೆ

ಮೊಳಕೆ ಕಾಳು ಕ್ಯಾಬೇಜ್ ಪಲ್ಯ

ಮೊಳಕೆ ಕಟ್ಟಿದ ಹೆಸರು ಕಾಳು- ೧/೨ ಕಪ್
ಹೆಚ್ಚಿದ  ಕ್ಯಾಬೇಜ್ - ೧/೨ ಕಪ್
ಈರುಳ್ಳಿ-೧
ಹಸಿಮೆಣಸಿನ  ಕಾಯಿ- ೧
ಎಣ್ಣೆ-೧ ಚಮಚ
ಅರಿಸಿನ
ಉಪ್ಪು
ತೆಂಗಿನ ತುರಿ ಸ್ವಲ್ಪ
ನಿಂಬೆರಸ- ೧ ಚಮಚ
ಸಾಸಿವೆ- ೧/೪ ಚಮಚ
ಕರಿಬೇವು






ಎಣ್ಣೆ ,ಸಾಸಿವೆ, ಕರಿಬೇವು, ಹಸಿಮೆಣಸಿನ ಕಾಯಿ, ಅರಿಸಿನ ಹಾಕಿ ಒಗ್ಗರಣೆ  ಸಿದ್ಧಮಾಡಿ. ಇದಕ್ಕೆ ಕ್ಯಾಬೇಜ್ , ಈರುಳ್ಳಿ,ಮೊಳಕೆ ಕಾಳು ಹಾಕಿ ಹುರಿದು ,ಸ್ವಲ್ಪ ನೀರು ಚುಮುಕಿಸಿ ಬೇಯಿಸಿ. ೪-೫ ನಿಮಿಷ
ಉಪ್ಪು ಹಾಕಿ-೨ ನಿಮಿಷ ಸಣ್ಣ ಉರಿಯಲ್ಲಿ ಇಡಿ.
ಒಲೆಯಿಂದ ಇಳಿಸಿದ ಮೇಲೆ ನಿಂಬೆ ರಸ  , ತೆಂಗಿನ ತುರಿ ಸೇರಿಸಿ.

ಚಂದ್ರಿಕಾ ಹೆಗಡೆ

ಹಲಸಿನ ಕಾಯಿ ಪಲ್ಯ

ಹಲಸಿನ  ಕಾಯಿ  ತೊಳೆ - ೧ ಬಟ್ಟಲು ( ಸಣ್ಣಗೆ ಹೆಚ್ಚಿದ್ದು)
ಹಸಿಮೆಣಸಿನ ಕಾಯಿ-೨/ ಒಣ ಮೆಣಸು -2
ತೆಂಗಿನ ತುರಿ- ೧/೪ ಬಟ್ಟಲು
ನಿಂಬೆ ರಸ- ೨ ಚಮಚ
ಕರಿ ಬೇವು - ೧ ಎಳೆ
ಉಪ್ಪು
ಎಣ್ಣೆ- ೨ ಚಮಚ
ಸಾಸಿವೆ- ೧/೨ ಚಮಚ
ಅರಿಸಿನ ಚಿಟಿಕೆ,


ಹಲಸಿನ ತೊಳೆಯನ್ನು ಹೆಚ್ಚಿ ಬೇಯಿಸಿಡಿ.
ಬಾಣಲೆಗೆ ಎಣ್ಣೆ, ಸಾಸಿವೆ, ಕರಿಬೇವು ಹಸಿಮೆಣಸಿನ ಕಾಯಿ,/ಒಣ ಮೆಣಸು,ಅರಿಸಿನ ಒಗ್ಗರಣೆ ಸಿದ್ಧಪಡಿಸಿ.
ಇದಕ್ಕೆ ಬೇಯಿಸಿಟ್ಟ ಹಲಸಿನ ತೊಳೆ ಹಾಕಿ ೫ ನಿಮಿಷ ಉರಿಯಲ್ಲಿಡಿ. ಉಪ್ಪು ಹಾಕಿ.
ಒಲೆಯಿಂದ ಇಳಿಸಿ ನಿಂಬೆ ರಸ ತೆಂಗಿನ ತುರಿ  ಸೇರಿಸಿ.

ಚಂದ್ರಿಕಾ ಹೆಗಡೆ

ಸುಟ್ಟ ಬದನೆ ಭಜ್ಜಿ

ದೊಡ್ಡ ಬದನೆ ಕಾಯಿ - ೧
ಈರುಳ್ಳಿ - ೧
ತೆಂಗಿನ ತುರಿ- ೧/೨ ಬಟ್ಟಲು
ಮೊಸರು- ೧/೨ ಬಟ್ಟಲು
ಸಾಸಿವೆ - ೧/೨ ಚಮಚ,
ಎಣ್ಣೆ- ೧ ಚಮಚ
ಅರಿಸಿನ ಚಿಟಿಕೆ,
ಕರಿಬೇವು- ೧ ಎಳೆ
ಸಕ್ಕರೆ- ೧/೨ ಚಮಚ
ಮಜ್ಜಿಗೆ ಮೆಣಸು-೨
ಉಪ್ಪು




ಸುಟ್ಟ ಬದನೆ ಕಾಯಿ ಸಿಪ್ಪೆ ತೆಗೆದು ಹೆಚ್ಚಿಡಿ.
ಈರುಳ್ಳಿಯನ್ನು ಸಣ್ಣಗೆ ಹೆಚ್ಚಿ.
ತೆಂಗಿನ ತುರಿಯನ್ನು ರುಬ್ಬಿ ಇಡಿ.
ಬದನೆ ಕಾಯಿ, ಈರುಳ್ಳಿ, ರುಬ್ಬಿದ ತೆಂಗಿನ ಕಾಯಿ ತುರಿ, ಉಪ್ಪು, ಮೊಸರು,ಸಕ್ಕರೆ ಸೇರಿಸಿ.
ಇದಕ್ಕೆ ಮಜ್ಜಿಗೆ ಮೆಣಸಿನ ಒಗ್ಗರಣೆ ಹಾಕಿ.(  ಎಣ್ಣೆ, ಸಾಸಿವೆ, ಕರಿಬೇವು, ಅರಿಸಿನ )

ಬಗೆ ಬಗೆ .... ಅಡುಗೆ.....


ಚಂದ್ರಿಕಾ ಹೆಗಡೆ

ಮಾವಿನ ಕಾಯಿ ಭಜ್ಜಿ

ಮಾವಿನ ಕಾಯಿ -೧ ಬೇಯಿಸಿದ್ದು
ತೆಂಗಿನ ತುರಿ- ೧/೨ ಬಟ್ಟಲು
ಮೊಸರು- ೧/೨ ಬಟ್ಟಲು
ಉಪ್ಪು
ಸಕ್ಕರೆ- ೧/೨ ಚಮಚ
ಒಗ್ಗರಣೆಗೆ- ೧ ಚಮಚ ಎಣ್ಣೆ, ಒಣ ಮೆಣಸು -೧  ಸಾಸಿವೆ - ೧ಚಮಚ , ಇಂಗು
ಹಸಿಮೆಣಸಿನ ಕಾಯಿ- ೨


ತೆಂಗಿನ ತುರಿ, ಹಸಿ ಮೆಣಸಿನ ಕಾಯಿ ರುಬ್ಬಿ.
ಬೇಯಿಸಿಟ್ಟುಕೊಂಡ ಮಾವಿನ ಕಾಯಿಯನ್ನು ಹಿಸುಕಿಡಿ . ಇದಕ್ಕೆ ಮೊಸರು, ರುಬ್ಬಿಟ್ಟ ಮಿಶ್ರಣ ಸಕ್ಕರೆ ಉಪ್ಪು ಸೇರಿಸಿ.
ಇದಕ್ಕೆ ಸಾಸಿವೆ , ಒಣ ಮೆಣಸು, ಇಂಗಿನ ಒಗ್ಗರಣೆ ನೀಡಿ.

ಬಿಸಿಲ ಬೇಗೆಗೆ ತಂಪು ತಂಪಾದ ಅಡುಗೆ!



ಚಂದ್ರಿಕಾ ಹೆಗಡೆ

ಹಲಸಿನ ಕಾಯಿ ಹುಳಿ

ಹಲಸಿನ ತೊಳೆ - ೩ ಬಟ್ಟಲು 

ತೆಂಗಿನ ತುರಿ - ೧ ಬಟ್ಟಲು

ಮಜ್ಜಿಗೆ - ೧ ೧/೨ ಬಟ್ಟಲು

ಹಸಿ ಮೆಣಸಿನ ಕಾಯಿ - ೩

ಬೆಳ್ಳುಳ್ಳಿ ( ಇಷ್ಟಪಡುವದಾದರೆ) - ೫ ಎಸಳು 

ಕೊತ್ತಂಬರಿ ಬೀಜ- ೧/೨ ಚಮಚ

ಸಾಸಿವೆ- ೧ ಚಮಚ 

ಎಣ್ಣೆ- ೩ ಚಮಚ 

ಉಪ್ಪು

ಬೆಲ್ಲ- ೧ ಚಮಚ 

ಅರಿಸಿನ - ೧ಚಮಚ 

ಮಾಡುವ ವಿಧಾನ :

ಹಲಸಿನ ತೊಳೆಯನ್ನು ಅರಿಸಿನ ಹಾಕಿ  ಬೇಯಿಸಿ. 

೧ ಚಮಚ ಎಣ್ಣೆಯಲ್ಲಿ ಹಸಿಮೆಣಸಿನ ಕಾಯಿ, ಕೊತ್ತಂಬರಿ ಬೀಜ , ಹುರಿಯಿರಿ. ಇದನ್ನು ತೆಂಗಿನ ತುರಿ ಹಸಿ ಸಾಸುವೆ ಜೊತೆ ರುಬ್ಬಿ.

ರುಬ್ಬಿದ ಮಿಶ್ರಣವನ್ನು ಬೇಯಿಸಿಟ್ಟ ತೊಳೆಯ ಜೊತೆ ಹಾಕಿ ಕುದಿಸಿ.

ಉಪ್ಪು ಸೇರಿಸಿ.

೨ ಕುದಿ ಬಂದ ಮೇಲೆ ಮಜ್ಜಿಗೆ, ಬೆಲ್ಲ  ಸೇರಿಸಿ ೧ ನಿಮಿಷ ಕುದಿಸಿ .

 ೨ ಚಮಚ ಎಣ್ಣೆಯಲ್ಲಿ ಬೆಳ್ಳುಳ್ಳಿ ಹುರಿದು ಈ ಹುಳಿಗೆ ಸೇರಿಸಿ.

ಅಗಾಧ ರುಚಿ....!

ಚಂದ್ರಿಕಾ ಹೆಗಡೆ

ಬೆಲ್ಲ -ಕಾಯಿ ಉಂಡೆ

ತೆಂಗಿನ ತುರಿ- ೨ ಕಪ್

ಬೆಲ್ಲ- ೧ ೧/೨ ಕಪ್

ಏಲಕ್ಕಿ ಪುಡಿ - ೧ ಚಮಚ

ಬೆಲ್ಲ ತೆಂಗಿನ ತುರಿಯನ್ನು ಸೇರಿಸಿ ೧೫ ನಿಮಿಷ ಸಣ್ಣ ಉರಿಯಲ್ಲಿ ಇಟ್ಟು ಕೈಯಾಡಿಸುತ್ತಾಇರಿ. ಪಾಕ ಗಟ್ಟಿಯಾದ ಮೇಲೆ ತಣ್ಣಗಾಗಲು ಬಿಟ್ಟು , ಆಮೇಲೆ ಉಂಡೆ ಕಟ್ಟಿ.

ಪಾಕ ಪರೀಕ್ಷೆ!: ಒಂದು ಲೋಟದಲ್ಲಿ ನೀರು ಹಾಕಿ ಬೆಲ್ಲವನ್ನು ಬಿಟ್ಟು ನೋಡಿ ನೀರಲ್ಲಿ ಕರಗದೆ ಗಟ್ಟಿಯಾಗಿ ಕೈಗೆ ಸಿಕ್ಕರೆ ಪಾಕವಾಗಿದೆ ಎಂದು ಅರ್ಥ .

ಮೆಲ್ಲಲೇನು ರುಚಿ.....!

ಚಂದ್ರಿಕಾ ಹೆಗಡೆ

ಕರಿಬೇವಿನ ಚಟ್ನಿ ಪುಡಿ

ಕರಿ ಬೇವು- ೨೦ ಎಳೆ

ಕಡಲೆ ಬೇಳೆ- ೧/೪ ಕಪ್

ಅಚ್ಚಖಾರದ ಪುಡಿ- ೨ ಚಮಚ 

ಹುಳಿಸೆ ಹಣ್ಣು ಸ್ವಲ್ಪ -(ಅಡಿಕೆ ಗಾತ್ರ )

ಉಪ್ಪು

ಸಕ್ಕರೆ - ೧ ಚಮಚ 

ಅರಿಸಿನ - ೧ ಚಮಚ 

ಕರಿ ಬೇವನ್ನು ಹುರಿದುಕೊಳ್ಳಿ. ಪುಡಿ ಆಗುವ ಹಾಗೆ.

(ಓವೆನ್ ನಲ್ಲಿ- ೩ ನಿಮಿಷ ಹುರಿದರೆ ಸಾಕು. ಆದರೆ ಪ್ರತಿ ೧ ನಿಮಿಷಕ್ಕೆ ತೆಗೆದು ಕೈಯಾಡಿಸಬೇಕು.)

ಕಡಲೆ ಬೇಳೆ ಹುರಿದಿಡಿ.

ಆನಂತರ ಎಲ್ಲವನ್ನು ಸೇರಿಸಿ ಪುಡಿ ಮಾಡಿ.

ದೋಸೆ/ ಚಪಾತಿ/ ರೊಟ್ಟಿ/ ಇಡ್ಲಿ ಜೊತೆಗೆ ಈ ಚಟ್ನಿ ಪುಡಿಗೆ    ಮೊಸರನ್ನು ಸೇರಿಸಿ  ಸೇವಿಸಿ.

ಚಂದ್ರಿಕಾ ಹೆಗಡೆ

ಈರುಳ್ಳಿ ಚಟ್ನಿ -೨

 ಈರುಳ್ಳಿ ದೊಡ್ಡದು -೨
ಹಸಿಮೆಣಸು-೨
ಹುಳಿಸೆ ರಸ- ೧/೨ ಚಮಚ
ಉಪ್ಪು
ಸಕ್ಕರೆ ೧/೪ ಚಮಚ

ಈರುಳ್ಳಿ ,ಹಸಿಮೆಣಸಿನ ಕಾಯಿ, ಉಪ್ಪು , ಸಕ್ಕರೆ , ಹುಳಿಸೆ ರಸ ಇವನ್ನು ರುಬ್ಬಿ.
ಚಟ್ನಿ ರೆಡಿ.
strong  ಆಗಿ ಇರುವ ಈ ಚಟ್ನಿ ಯನ್ನು ದೋಸೆ ರೊಟ್ಟಿ , ಚಪಾತಿ, ಇಡ್ಲಿ ಜೊತೆ ಸೇವಿಸಬಹುದು.
 ಜ್ವರ ಬಂದು ನಾಲಿಗೆಗೆ ಏನು ರುಚಿ ಎನಿಸದಿರುವವರಿಗೆ  ಒಳ್ಳೆ ಅಡುಗೆ!

ಮನೆಯಲ್ಲಿ ಅಡಗಿರುವ ವಿಶೇಷ ಶಕ್ತಿ.... ಅದುವೇ ಅಡುಗೆ!

ಚಂದ್ರಿಕಾ ಹೆಗಡೆ

ಬಾಳೆಕಾಯಿ ಪಲ್ಯ -೧

ಬಾಳೆ ಕಾಯಿ  (ದೊಡ್ಡದು ) - ೨
ಈರುಳ್ಳಿ- ೧
ತೆಂಗಿನ ತುರಿ ೧/೪ ಬಟ್ಟಲು
ನಿಂಬೆ ರಸ- ೨ ಚಮಚ
ಉಪ್ಪು
ಎಣ್ಣೆ- ೨ ಚಮಚ
ಕರಿ ಬೇವು- ೧ ಎಳೆ
ಸಾಸುವೆ- ೧/೨ ಚಮಚ
ಅರಿಸಿನ ೧/೨ ಚಮಚ
ಹಸಿ ಮೆಣಸಿನ ಕಾಯಿ- 2

ಬಾಳೆ ಕಾಯಿಯನ್ನು  ಇಡಿಯಾಗಿಯೇ ಬೇಯಿಸಿ.
ತಣ್ಣಗಾದ ಮೇಲೆ  ಸಿಪ್ಪೆ ತೆಗೆದು ತುರಿ ಮಣೆಯಲ್ಲಿ ತುರಿದು ಇಡಿ.
ಈರುಳ್ಳಿ ಸಣ್ಣಗೆ ಹೆಚ್ಚಿ.
ಎಣ್ಣೆ, ಸಾಸುವೆ ಅರಿಸಿನ, ಹಸಿಮೆಣಸಿನ ಕಾಯಿ , ಕರಿ ಬೇವು ಹಾಕಿ ಒಗ್ಗರಣೆ ಸಿದ್ಧಪಡಿಸಿ, ಈರುಳ್ಳಿ ಸೇರಿಸಿ ೧/೨ ಬೇಯಿಸಿ. ತುರಿದಿಟ್ಟ ಬಾಳೆ ಕಾಯಿ, ಉಪ್ಪು ಸಕ್ಕರೆ ಸೇರಿಸಿ. ೩- ನಿಮಿಷ ಸಣ್ಣ ಉರಿಯಲ್ಲಿ ಇಡಿ.
ಒಲೆಯಿಂದ  ತೆಗೆದ ಮೇಲೆ ನಿಂಬೆ ರಸ, ತೆಂಗಿನ ತುರಿ ಹಾಕಿ.

ಬಾಳೆ- ಬಲು ರುಚಿ



ಚಂದ್ರಿಕಾ ಹೆಗಡೆ

ಬಿಲ್ವ ಪತ್ರೆ ತಂಬುಳಿ

ಬಿಲ್ವ ಪತ್ರೆ - ೪ ಎಲೆಗಳು
ತೆಂಗಿನ ತುರಿ- ೧/೨ ಬಟ್ಟಲು
ಮಜ್ಜಿಗೆ- ೧ ಲೋಟ
ಉಪ್ಪು ರುಚಿಗೆ ತಕ್ಕಸ್ಟು
ಸಕ್ಕರೆ ೧/೪ ಚಮಚ
ಕಾಳು ಮೆಣಸು - ೫-೬
ಜೀರಿಗೆ - ೧/೨ ಚಮಚ
ಎಣ್ಣೆ ೧/೨ ಚಮಚ


ಬಿಲ್ವ ಪತ್ರೆ , ಜೀರಿಗೆ, ಕಾಳು ಮೆಣಸನ್ನು ಎಣ್ಣೆಯಲ್ಲಿ ಹುರಿದು, ತೆಂಗಿನ ತುರಿ, ಉಪ್ಪು, ಸಕ್ಕರೆ , ಹಾಗು ಸ್ವಲ್ಪ ನೀರನ್ನು ಹಾಕಿ ರುಬ್ಬಿ.
ಇದಕ್ಕೆ ಮಜ್ಜಿಗೆ , ಇನ್ನಸ್ಟು ಉಪ್ಪು ಬೇಕೆನಿಸಿದರೆ ಸೇರಿಸಿ.

ಬೇಸಿಗೆಯಲ್ಲಿ ಅಧರ - ಉದರಕ್ಕೆ  ಆರಾಮದಾಯಕ  ಅಡುಗೆ- ಸರಳ ಕ್ರಮ- ಸುಲಭ ಜೀರ್ಣ!

ಚಂದ್ರಿಕಾ ಹೆಗಡೆ

ಎಳೇ ಹಲಸಿನ ಕಾಯಿ ಪಲ್ಯ

 ಎಳೇ ಹಲಸಿನ ಕಾಯಿ- ೧
ಈರುಳ್ಳಿ- ೨
ಕರಿಬೇವು- ೨ ಎಳೆ
ಎಣ್ಣೆ- ೩ ಚಮಚ
ತೆಂಗಿನ ತುರಿ - ೧/೨ ಬಟ್ಟಲು
 ನಿಂಬೆ ರಸ- ೨ ಚಮಚ
ಉಪ್ಪು ರುಚಿಗೆ ತಕ್ಕಸ್ಟು
ಸಕ್ಕರೆ ೧/೨ ಚಮಚ
ಈರುಳ್ಳಿ ೧ ಸಣ್ಣಗೆ ಹೆಚ್ಚಿದ್ದು
ಒಗ್ಗರಣೆಗೆ ೧ ಚಮಚ ಸಾಸುವೆ, ೨ ಹಸಿ ಮೆಣಸಿನ ಕಾಯಿ, ಅರಿಸಿನ ೧/೨ ಚಮಚ

ಎಳೆ ಹಲಸಿನ ಕಾಯಿಯ ಮುಳ್ಳು, ಮೇಣದ ಭಾಗವನ್ನು ಕತ್ತರಿಸಿ.

ನೀರಿನಲ್ಲಿ-೫ ನಿಮಿಷ ಇಡಿ.
ಆ ನೀರನ್ನು ತೆಗೆದು ಮತ್ತೆ  ಬೇರೆ ನೀರು ಹಾಕಿ ಕುಕ್ಕರ್ನಲ್ಲಿ ೩ ಕೂಗು  ಮಾಡಿ.
೧೫ ನಿಮಿಷ ಕಳೆದ ಮೇಲೆ ಕುಕ್ಕರ್ನಿಂದ ತೆಗೆದು ನೀರು ಬಸಿದು  ಹೋಳುಗಳನ್ನು ಆರಲು ೧ ಪ್ಲೇಟ್ ನಲ್ಲಿ ಹಾಕಿ. ಚೆನ್ನಾಗಿ ಹಿಸುಕಿ.
ಹೋಳು ಎಳೆ ಎಳೆಯಾಗಿ  ಬಿಟ್ಟು ಕೊಳ್ಳುತ್ತದೆ .

ಈಗ ಬಾಣಲೆಗೆ ಎಣ್ಣೆ ಹಾಕಿ ಸಾಸುವೆ ಹಸಿ ಮೆಣಸಿನ ಕಾಯಿ, ಕರಿಬೇವು, ಅರಿಸಿನ ಹಾಕಿ. ಇದಕ್ಕೆ  ಈರುಳ್ಳಿ  ಹಾಗು ಹಿಸುಕಿಟ್ಟ ಹಲಸಿನ ಕಾಯಿಯ ಹೋಳು ,ಉಪ್ಪು , ಸಕ್ಕರೆ ಸೇರಿಸಿ.
 ೨ ನಿಮಿಷ ಸಣ್ಣ ಉರಿಯಲ್ಲಿ ಇಡಿ.
ಒಲೆಯಿಂದ ಇಳಿಸಿ, ನಿಂಬೆ ರಸ  ತೆಂಗಿನ ತುರಿ ಸೇರಿಸಿ.

ಬೇಸಿಗೆಯ ಆರಂಭದಲ್ಲಿ  ಹಲಸು ನೀಡುವ ಕೊಡುಗೆ ನಿಮ್ಮ ಅಡುಗೆ ಮನೆಯಲ್ಲಿ  ಸಂಭ್ರಮಿಸಲಿ.


ಚಂದ್ರಿಕಾ ಹೆಗಡೆ

ಹಲಸಿನ ಕಂದೆ ( ಎಳೇ ಹಲಸು) ಚಟ್ನಿ

  ಎಳೇ ಹಲಸಿನ ಕಾಯಿ- ೧ ಚಿಕ್ಕದ್ದು
ಈರುಳ್ಳಿ-೨
ಹಸಿಮೆಣಸಿನ ಕಾಯಿ- ೨-೩
ತೆಂಗಿನ ತುರಿ- ೧/೨ ಬಟ್ಟಲು
ಉದ್ದಿನ ಬೇಳೆ- ೧ ಚಮಚ
ಎಣ್ಣೆ- ೧ ಚಮಚ
ಉಪ್ಪು - ರುಚಿಗೆ ತಕ್ಕಸ್ಟು
ಸಕ್ಕರೆ  ೧/೨ ಚಮಚ
ಮೊಸರು - ೧/೨ ಬಟ್ಟಲು
ಒಗ್ಗರಣೆಗೆ: ೧ ಚಮಚ ಎಣ್ಣೆ, ೧/೨ ಚಮಚ ಸಾಸುವೆ , ಚಿಟಿಕೆ ಅರಿಸಿನ ,ಕರಿಬೇವಿನ ಸೊಪ್ಪು- ೧ ಎಳೆ


ಹಲಸಿನ ಕಾಯಿಯ  ಮುಳ್ಳುಗಳನ್ನು ತೆಗೆದು , ಅದರ ಮಧ್ಯದ  ಅಂಟು (ಮೇಣ) ಬರುವ ಭಾಗವನ್ನು ಕತ್ತರಿಸಿ .
ಚಿಕ್ಕ ಚಿಕ್ಕ ಹೋಳುಗಳನ್ನಾಗಿ ಮಾಡಿ ೫ ನಿಮಿಷ ನೀರಿನಲ್ಲಿ ಇಟ್ಟರೆ  ಮತ್ತೆ ಮೇಣ ಬರುವದಿಲ್ಲ.
ಕುಕ್ಕರ್ ನಲ್ಲಿ ಹೋಳಿನ ಜೊತೆಗೆ ನೀರನ್ನು ಹಾಕಿ ೩ ಕೂಗು  ಮಾಡಿ ಬೇಯಿಸಿ.
೧/೨ ಗಂಟೆಯ ನಂತರ  ನೀರನ್ನು ಬಸಿದು ಕೊಳ್ಳಿ. ಈರುಳ್ಳಿಯನ್ನು ಹೆಚ್ಚಿ.


 ೧ ಚಮಚ ಎಣ್ಣೆ ಬಿಸಿ ಮಾಡಿ ಇದಕ್ಕೆ ಉದ್ದಿನ ಬೇಳೆ ಹಾಕಿ  ಹುರಿಯಿರಿ.
ಹಸಿಮೆಣಸಿನ ಕಾಯಿ ಸೇರಿಸಿ ಒಲೆಯಿಂದ ಇಳಿಸಿಡಿ. ಹೋಳು, ತೆಂಗಿನ ತುರಿ , ಉಪ್ಪು, ಸಕ್ಕರೆ ಇವುಗಳನ್ನು ಮಿಕ್ಸಿ ಜಾರ್ ಗೆ  ಹಾಕಿ ರುಬ್ಬಿ.
ಈ ಮಿಶ್ರಣಕ್ಕೆ ಮೊಸರು , ಹೆಚ್ಚಿಟ್ಟ ಈರುಳ್ಳಿ ಹಾಕಿ.


ಒಗ್ಗರಣೆಯನ್ನು ಸಿದ್ಧಪಡಿಸಿ   ಸೇರಿಸಿ.

ಚಿಕ್ಕ ಹಲಸು  ಭಾರಿ ರುಚಿ....

ಹಲಸಿನ ಬೆಳೆಯ ಬೆಲೆ ನಾಲಿಗೆಯಲ್ಲಿ....!


ಚಂದ್ರಿಕಾ ಹೆಗಡೆ

ಬಾಳೆಕಾಯಿ ಭಜಿ

ಬಾಳೆಕಾಯಿ-೧
ಕಡಲೆ ಹಿಟ್ಟು ೧ ಬಟ್ಟಲು
ಎಣ್ಣೆ- ಕರಿಯಲು
ಉಪ್ಪು ರುಚಿಗೆ ತಕ್ಕಸ್ಟು
ಅರಿಸಿನ - ೧/೪ ಚಮಚ
ಅಜವಾನ-೧/೨ ಚಮಚ
ಅಡುಗೆ ಸೋಡಾ - ಚಿಟಿಕೆ




ಬಾಳೇಕಾಯಿಯನ್ನ್ನು   ತೆಳ್ಳಗೆ  ಹೆಚ್ಚಿ.
ಕಡಲೆ ಹಿಟ್ಟಿಗೆ ಉಪ್ಪು, ಅಜವಾನ, ಅರಿಸಿನ ನೀರು ಹಾಕಿ ದೋಸೆ ಹಿಟ್ಟಿನ ಹದಕ್ಕೆ ಕಲಸಿ. . ಇದಕ್ಕೆ ಚಿಟಿಕೆ ಅಡುಗೆ ಸೋಡಾ ಹಾಕಿ-೩ ನಿಮಿಷ ಬಿಡಿ.
ಎಣ್ಣೆ ಕಾದ ಮೇಲೆ  ಹೆಚ್ಚಿಟ್ಟುಕೊಂಡ ಬಾಳೇಕಾಯನ್ನು ಹಿಟ್ಟಿನಲ್ಲಿ ಅದ್ದಿ ಎಣ್ಣೆಗೆ ಹಾಕಿ ಹೊಂಬಣ್ಣ ಬರುವ ತನಕ ಕರಿಯಿರಿ.

ಭಲೇ .... ಭಜಿ


ಚಂದ್ರಿಕಾ ಹೆಗಡೆ

ಖಾಂದ (ಈರುಳ್ಳಿ) ಭಜಿ

ಈರುಳ್ಳಿ- ೩
ಕಡಲೆ ಹಿಟ್ಟು - ೧ ೧/೨ ಕಪ್
ಉಪ್ಪು ರುಚಿಗೆ
ಮೆಣಸಿನ ಪುಡಿ ೧ ಚಮಚ
ಕರಿಯಲು ಎಣ್ಣೆ


ಈರುಳ್ಳಿಯನ್ನು ಉದ್ದಕೆ ಸೀಳಿ.
ಇದಕ್ಕೆ ಉಪ್ಪು ಹಾಕಿ- ೧೦ ನಿಮಿಷ   ಬಿಡಿ . ಈ   ಸಮಯದಲ್ಲಿ ಈರುಳ್ಳಿ ನೀರನ್ನು ಬಿಟ್ಟುಕೊಳ್ಳುತ್ತದೆ.
ಇದಕ್ಕೆ ಕಡಲೆ ಹಿಟ್ಟನ್ನು, ಮೆಣಸಿನ ಪುಡಿ( ಅಚ್ಚಖಾರ) ಸೇರಿಸಿ.
ಉದುರು ಉದುರಾಗಿ ಎಣ್ಣೆಯಲ್ಲಿ ಬಿಡಿ.
ಹೊಂಬಣ್ಣ ಬರುವ ತನಕ ಕರಿಯಿರಿ. 
ಟೊಮೇಟೊ ಸಾಸ್ , ಚಟ್ನಿ ಜೊತೆ ಸವಿಯಿರಿ.

ಭಜಿ ... ಭಜನೆ ... ಮನೆಯಲ್ಲಿ...ಅಡುಗೆ ಮನೆಯ ಕಡೆಗೆ ಎಲ್ಲರ ಪ್ರಯಾಣ....!








ಚಂದ್ರಿಕಾ ಹೆಗಡೆ

ಸಿಹಿ ಪುರಿ(ಸಕ್ಕರೆ ಪುರಿ)

ಮೈದಾ ಹಿಟ್ಟು- ೧ ಕಪ್
ಸಕ್ಕರೆ- ೧/೪ ಕಪ್
ಎಣ್ಣೆ- ೩ ಚಮಚ ( ಹಿಟ್ಟಿಗೆ ಹಾಕಲು)
ಎಣ್ಣೆ ಕರಿಯಲು
ಉಪ್ಪು ರುಚಿಗೆ
ಸಕ್ಕರೆ ಪಾಕ- ೩ ಬಟ್ಟಲು 
ಏಲಕ್ಕಿ - ೩ 
ಬಾದಾಮ್ -೫ 




ಮೈದಾ ಹಿಟ್ಟಿಗೆ ಉಪ್ಪು, ಬಿಸಿ ಎಣ್ಣೆ, ಬಿಸಿ ನೀರು ಹಾಕಿ ಕಲಸಿ.
ಸಕ್ಕರೆ, ಏಲಕ್ಕಿ ಪುಡಿ ಮಾಡಿ ಇಡಿ. ಬಾದಾಮ್ ಅನ್ನು ಸಣ್ಣಗೆ ಹೆಚ್ಚಿ.
ಸಕ್ಕರೆ ಪಾಕವನ್ನು ಈ ಮೊದಲೇ ಸಿದ್ಧಪಡಿಸಿಕೊಳ್ಳಿ.
ಮೈದಾ ಹಿಟ್ಟನ್ನು   ಚಪಾತಿ  ಲಟ್ಟಿಸುವಂತೆ  ಲಟ್ಟಿಸಿ ೪ ಭಾಗ ಮಾಡಿ.
ಇದನ್ನು ಎಣ್ಣೆಯಲ್ಲಿ ಕರಿಯಿರಿ.
ನಂತರ ಸಕ್ಕರೆ ಪಾಕದಲ್ಲಿ ಈ ಪುರಿಗಳನ್ನು ಹಾಕಿ-೫ ನಿಮಿಷ ಇಡಿ.
ಆಮೇಲೆ ಪುರಿಗಳನ್ನು ತೆಗೆದು ಒಂದು ಪ್ಲೇಟಿನಲ್ಲಿ ಜೋಡಿಸಿ. ಇವುಗಳ ಮೇಲೆ ಈಗಾಗಲೇ ಮಾಡಿಟ್ಟುಕೊಂಡ ಸಕ್ಕರೆ ಪುಡಿ, ಸಣ್ಣಗೆ ಹೆಚ್ಚಿಟ್ಟುಕೊಂಡ ಬಾದಾಮ್ ಹಾಕಿ. ೧/೨ ಗಂಟೆ ಫ್ರಿಡ್ಜ್ ನಲ್ಲಿ ಇಡಿ.

ಸಿಹಿಯೋ... ಸಿಹಿಯು...


ವಿ-ಸೂ : ಮೈದಾ ಬದಲಿಗೆ ಗೋದಿಯನ್ನು ಸೇರಿಸಬಹುದು. 





ಮನ ಹಗುರವಾಗಲು ಅಡುಗೆ ಮಾಡಿ!!


ಚಂದ್ರಿಕಾ ಹೆಗಡೆ

ಗುರೆಳ್ಳು (ಹುಚ್ಚೆಳ್ಳು) ಚಟ್ನಿ ಪುಡಿ

ಗುರೆಳ್ಳು- ೧ ಬಟ್ಟಲು
ಬೆಳ್ಳುಳ್ಳಿ- ೪-೫
ಕರಿಬೇವು- ೨ ಎಳೆ
ಅಚ್ಚಖಾರದ ಪುಡಿ- ೧ ೧/೨ ಚಮಚ
ಉಪ್ಪು ,
ಸಕ್ಕರೆ ೧/೨ ಚಮಚ
ಅರಿಸಿನ ೧/೪ ಚಮಚ



ಗುರೆಳ್ಳನ್ನು ಹುರಿಯಿರಿ. ಸುವಾಸನೆ ಬರುವ ತನಕ.
ಇದು ತಣ್ಣಗಾದ ಮೇಲೆ  ಮೇಲಿನ ಎಲ್ಲ ಸಾಮಗ್ರಿಗಳನ್ನು ಸೇರಿಸಿ ಪುಡಿ ಮಾಡಿ.
ಸುಲಭವಾದರೂ ಸವಿ ಜಾಸ್ತಿಯೇ....

ಗುರೆಳ್ಳು (ಹುಚ್ಚೆಳ್ಳು) ಚಟ್ನಿ ಪುಡಿ

ಮೊಸರಿನ ಜೊತೆ....
ಜೋಳದ ರೊಟ್ಟಿಗಾಗಿಯೇ ಹುಟ್ಟಿತೆ.... ಗುರೆಳ್ಳು ಅನ್ನುವಸ್ಟು ....!



ಚಂದ್ರಿಕಾ ಹೆಗಡೆ

ಅಗಸೆ (flax seed ) ಚಟ್ನಿ (ಪುಡಿ)

ಅಗಸೆ ಬೀಜ- ೨ ಬಟ್ಟಲು

ಬೆಳ್ಳುಳ್ಳಿ-೭-೮
ಕರಿಬೇವು- ೩ ಎಳೆ
ಅಚ್ಚಖಾರದ ಪುಡಿ- ೨ ಚಮಚ ( ಹೆಚ್ಚು ಖಾರ ಬೇಕೆನಿಸಿದರೆ ಇನ್ನು ೧ ಚಮಚ )
ಹುಳಿಸೆ ಹಣ್ಣು - ಅಡಿಕೆ ಗಾತ್ರ
ಸಕ್ಕರೆ- ೧ ಚಮಚ
ಅರಿಸಿನ- ೧/೨ ಚಮಚ
ಉಪ್ಪು- ೧ ೧/೨ ಚಮಚ( ರುಚಿ ನೋಡಿ  ಇನ್ನಸ್ಟು)


ಮಾಡುವ ವಿಧಾನ
ಅಗಸೆ ಬೀಜವನ್ನು ಘಂ ಅನ್ನುವಂತೆ ಹುರಿಯಿರಿ. (ಓವನ್ ನಲ್ಲಿ ೩-೪ ನಿಮಿಷ)
ಕರಿಬೇವನ್ನು ಹುರಿಯಿರಿ. (ಎಣ್ಣೆ ಇಲ್ಲದೆಯೇ ಸಣ್ಣ ಉರಿಯಲ್ಲಿ ಅಥವಾ ಓವನ್ ನಲ್ಲಿ ೩ ನಿಮಿಷ)
ಆರಿದ ಅಗಸೆ ಬೀಜದ ಜೊತೆ ಎಲ್ಲವನ್ನು ಸೇರಿಸಿ ಪುಡಿ ಮಾಡಿ.
ರೊಟ್ಟಿ/ಚಪಾತಿ/ ಪುಲ್ಕಾ/ ದೋಸೆ ಜೊತೆ... ಮೊಸರನ್ನು ಸೇರಿಸಿ ಸೇವಿಸಿ.

ಪುಡಿಯಾದರು.... ಮನಸ್ಸಿಗೆ ಹಿಡಿಸುತ್ತೆ......!!



ಚಂದ್ರಿಕಾ ಹೆಗಡೆ

ಮಿಕ್ಸೆಡ್ ವೆಜಿಟೆಬಲ್ ಪಲ್ಯ

ಅಗತ್ಯ:
ಕ್ಯಾರೆಟ್-೧
ಕ್ಯಾಬೇಜ್ -೧/೨
ಬೀನ್ಸ್-೧೦
ಹಸಿಮೆಣಸು-೨
ತೆಂಗಿನ ತುರಿ- ೧/೪ ಬಟ್ಟಲು
ಉಪ್ಪು ರುಚಿಗೆ ತಕ್ಕಸ್ಟು
ಎಣ್ಣೆ-೩ ಚಮಚ
ಅಚ್ಚಖಾರ ಪುಡಿ-೧ ಚಮಚ
ಕರಿಬೇವು- ೧ ಎಳೆ
ಸಾಸಿವೆ- ೧/೨ ಚಮಚ
ಅರಿಸಿನ - ಸ್ವಲ್ಪ


ಎಲ್ಲ ತರಕಾರಿಗಳನ್ನು ಸಣ್ಣಗೆ ಹೆಚ್ಚಿ.
ಬಾಣಲೆಗೆ ಎಣ್ಣೆ,ಸಾಸಿವೆ  , ಕರಿಬೇವು, ಅರಿಸಿನ ,ಹಸಿಮೆಣಸಿನ ಕಾಯಿ ಹಾಕಿ ಹುರಿಯಿರಿ.
ನಂತರ ಎಲ್ಲ ತರಕಾರಿಗಳನ್ನೂ  , ೧/೪ ಬಟ್ಟಲು ನೀರನ್ನು ಹಾಕಿ ಸಣ್ಣ ಉರಿಯಲ್ಲಿ ೫-೭ ನಿಮಿಷ ಇಡಿ.

ನೀರು ಆರಿದ ಮೇಲೆ ಇದಕ್ಕೆ ಉಪ್ಪು, ತೆಂಗಿನ ತುರಿ ಹಾಕಿ. ಒಲೆಯಿಂದ ಇಳಿಸಿ.

ಚಂದ್ರಿಕಾ ಹೆಗಡೆ

ಮಾವಿನ ಹೂವಿನ (ಕಸ್ತ್ರಿ ) ಚಟ್ನಿ


ಮಾವಿನ ಹೂವು - ೧ ತೆನೆ

ತೆಂಗಿನ ತುರಿ-೧/೨ ಬಟ್ಟಲು

ಬ್ಯಾಡಗಿ + ಗುಂತುರ್ ಮೆಣಸಿನ ಕಾಯಿ-೪

ಒಗ್ಗರಣೆಗೆ= ೧ ಚಮಚ ಎಣ್ಣೆ, ೧/೨ ಚಮಚ ಸಾಸಿವೆ, ಚಿಟಿಕೆ ಇಂಗು

ರುಚಿಗೆ ತಕ್ಕಸ್ಟು ಉಪ್ಪು

೧/೪ ಚಮಚ ಸಕ್ಕರೆ/ ಬೆಲ್ಲ



ಮಾಡುವ ವಿಧಾನ:1

ಮಾವಿನ ಹೂವನ್ನು ಹೆಚ್ಚಿ.

ಇದಕ್ಕೆ ತೆಂಗಿನ ತುರಿ+ಮೆಣಸಿನ ಕಾಯಿ+ಮಾವಿನ ಹೂವು + ಉಪ್ಪು, ಸಕ್ಕರೆ ಸೇರಿಸಿ ರುಬ್ಬಿ.

ಒಗ್ಗರಣೆ ನೀಡಿ.

ವಿಧಾನ-೨

ಇವೆಲ್ಲ ಸಾಮಗ್ರಿ ಜೊತೆಗೆ ಉದ್ದಿನ ಬೇಳೆ/ ಅಥವಾ ಕಡಲೆ ಬೇಳೆ ಹಾಕುವದು



೧ ಚಮಚ ಎಣ್ಣೆಯಲ್ಲಿ ಉದ್ದಿನ ಬೇಳೆ / ಕಡಲೆ ಬೇಳೆ ಮೆಣಸಿನ ಕಾಯಿ ಹುರಿದು ಇವುಗಳ ಜೊತೆ ತೆಂಗಿನ ತುರಿ, ಮಾವಿನ ಹೂವು,ಉಪ್ಪು,ಸಕ್ಕರೆ ಸೇರಿಸಿ ರುಬ್ಬಿ.

ಒಗ್ಗರಣೆ ನೀಡಿ.





ಬೇಸಿಗೆಯಲ್ಲಿ ಮಾವಿನ ಸಂಭ್ರಮ .....

ಹೂವಿನ ಜೊತೆ ಅಡುಗೆ....!

 
 
ಚಂದ್ರಿಕಾ ಹೆಗಡೆ

ಮೆಂತೆ ತಂಬುಳಿ

ಮೆಂತೆ - ೧ ಚಮಚ
ತೆಂಗಿನ ತುರಿ- ೧/೨ ಬಟ್ಟಲು
ಮಜ್ಜಿಗೆ-೧ ಬಟ್ಟಲು
ಸಕ್ಕರೆ/ಬೆಲ್ಲ- ೧/೨ ಚಮಚ
ಎಣ್ಣೆ- 2  ಚಮಚ
ಹಸಿಮೆಣಸಿನ ಕಾಯಿ-2
ಉಪ್ಪು ರುಚಿಗೆ ತಕ್ಕಸ್ಟು
ಒಗ್ಗರಣೆಗೆ - ೧/೨ ಚಮಚ ಸಾಸುವೆ

ಮಾಡುವ ವಿಧಾನ:
ಮೆಂತೆ ಯನ್ನು ೧ ಚಮಚ ಎಣ್ಣೆಯಲ್ಲಿ ಕೆಂಪಗಾಗುವಂತೆ ಹುರಿಯಿರಿ. ಇದಕ್ಕೆ ಹಸಿಮೆಣಸಿನ ಕಾಯಿ ಹಾಕಿ ಬಾಡಿಸಿ.
ಮೆಂತೆ ಹಾಗು ಹಸಿಮೆಣಸಿನ ಕಾಯಿ ಆರಿದ ಮೇಲೆ ತೆಂಗಿನ  ತುರಿ, ಮಜ್ಜಿಗೆ,ಸಕ್ಕರೆ , ಉಪ್ಪು ಹಾಕಿ ರುಬ್ಬಿ.
ನುಣ್ಣಗೆ ರುಬ್ಬಿಟ್ಟ ಮಿಶ್ರಣಕ್ಕೆ ಒಗ್ಗರಣೆ ಹಾಕಿ.
ಒಗ್ಗರಣೆಯಲ್ಲಿ ಬಾಳಕ(ಮಜ್ಜಿಗೆ ಮೆಣಸನ್ನು ಸೇರಿಸಬಹುದು.)

ಸುಡು ಸುಡುವ ಬೇಸಿಗೆಯಲ್ಲಿ ಮನಕ್ಕೆ/ ಮನೆಗೆ/ ಮೈಗೆ ತಂಪು.....
ಅದೇ......

                     ತಂಬುಳಿ

ಚಂದ್ರಿಕಾ ಹೆಗಡೆ

ತೋಯಿಸಿದ ಮಂಡಕ್ಕಿ (ಕಳ್ಳೆಪುರಿ )

ಕಳ್ಳೆಪುರಿ - ೧ ಸೇರು
ಹುರಿಗಡಲೆ- ೧/೨ ಬಟ್ಟಲು
ಕಡ್ಲೆ ಬೀಜ - ೧ ಹಿಡಿ
ಹಸಿಮೆಣಸು- ೩
ಕರಿಬೇವು- ೧ ಎಳೆ
ಎಣ್ಣೆ- ೩ ಚಮಚ
ಸಾಸಿವೆ- ೧ ಚಮಚ
ಈರುಳ್ಳಿ- ೧ ಸಣ್ಣಗೆ ಹೆಚ್ಚ್ಚಿ
ಅರಿಸಿನ - ಚಿಟಿಕೆ
ಉಪ್ಪು
 ಸಕ್ಕರೆ- ೧/೨ ಚಮಚ



ಕಳ್ಳೆಪುರಿಯನ್ನು ನೀರಿನಲ್ಲಿ ಹಾಕಿ ತತಕ್ಷಣ ಹಿಂಡಿ ಇಡಿ. ಹುರಿಗದಲೆಯ್ಯನ್ನು ಪುಡಿ ಮಾಡಿ.

ಬಾಣಲೆಗೆ ಎಣ್ಣೆ, ಸಾಸಿವೆ, ಕಡಲೆ ಬೀಜ ಹಾಕಿ ಹುರಿಯಿರಿ. ಇದಕ್ಕೆ ಕರಿಬೇವು,ಈರುಳ್ಳಿ,ಹಸಿಮೆಣಸಿನ ಕಾಯಿ,ಅರಿಸಿನ , ಸಕ್ಕರೆ , ಉಪ್ಪು ಹಾಕಿ ಬೇಯಿಸಿ. ೩ ನಿಮಿಷದ ಮೇಲೆ ಹುರಿಗಡಲೆ ಪುಡಿ ಹಾಕಿ.
ಹಿಂಡಿ ಇಟ್ಟಿದ್ದ  ಕಳ್ಳೆಪುರಿಯನ್ನು ಹಾಕಿ- ೫ ನಿಮಿಷ ಸಣ್ಣ ಉರಿಯಲ್ಲಿ ಇಡಿ.
ಇದರ ಜೊತೆ ಮೆಣಸಿನ ಕಾಯಿ ಭಜಿನೂ ಇದ್ರೆ....ಮ್......ಹಾ......

ಚಂದ್ರಿಕಾ ಹೆಗಡೆ

ಒಂದೆಲಗ ( ಬ್ರಾಹ್ಮೀ) ತಂಬುಳಿ

ಒಂದೆಲಗ- ೧ ಹಿಡಿ
ತೆಂಗಿನ ತುರಿ- ೧/೪ ಬಟ್ಟಲು
ಮಜ್ಜಿಗೆ - ೧ ಬಟ್ಟಲು
ಜೀರಿಗೆ- ೧ ಚಮಚ
ಎಣ್ಣೆ- ೧ ಚಮಚ
ಉಪ್ಪು - ರುಚಿಗೆ

ಒಂದೆಲಗವನ್ನು ಚೆನ್ನಾಗಿ ತೊಳೆದು  ಸಣ್ಣಗೆ ಹೆಚ್ಚಿ. ಜೀರಿಗೆ ಹಾಗು ಒಂದೆಲಗವನ್ನು ಹುರಿಯಿರಿ( ೧  ೧/೨ ನಿಮಿಷ)
ಇದಕ್ಕೆ  ತೆಂಗಿನ ತುರಿ ಹಾಕಿ ರುಬ್ಬಿ. ರುಬ್ಬಿದ ಮಿಶ್ರಣಕ್ಕೆ ಮಜ್ಜಿಗೆ ಉಪ್ಪು ಹಾಕಿ. ಬೇಸಿಗೆಯಲ್ಲಿ ಬಿಸಿ ಅನ್ನ ತಂಬುಳಿ...ಬಲ್ಲವನೇ ಬಲ್ಲ.......

ಬ್ರಾಹ್ಮೀ  ಬುದ್ದಿ ಶಕ್ತಿಯನ್ನು ಚುರುಕು ಮಾಡುತ್ತದೆ.... ಕಣ್ಣಿಗೆ ಒಳ್ಳೇದು... ಮಕ್ಕಳು- ವಯೋವೃದ್ಧರ ತನಕ... ಸರ್ವ ರೋಗ ಪರಿಹಾರ ನೀಡುವ ಶಕ್ತಿ ಇದಕ್ಕಿದೆಯಂತೆ .... ಯಾಕಿನ್ನು ತಡ.... ತಂಬಳಿ  ಮಾಡಿ.
ವಿ. ಸೂ : ಈ ತಂಬಳಿ ಯನ್ನು ರಾತ್ರಿ ಸೇವಿಸಬಾರದಂತೆ ... ಕಾರಣ ಇನ್ನು ಸಿಕ್ಕಿಲ್ಲ..... 

ಪುಳಿಯೋಗರೆ ಗೊಜ್ಜು

ಅಗತ್ಯಗಳು:

ಹುಳಿಸೆ ಹಣ್ಣು- ನಿಂಬೆ ಗಾತ್ರದ್ದು-೨ 

ಬೆಲ್ಲ- ೪-೫ ಚಮಚ

ಸಾರಿನ ಪುಡಿ- ೪-೫ ಚಮಚ

ಕೊಬ್ಬರಿ ತುರಿ - ೭-೮ ಚಮಚ

ಕಡಲೆ ಬೀಜ( ಶೇಂಗ)- ೧೦೦ ಗ್ರಾಂ 

ಎಳ್ಳು- ೩ ಚಮಚ 

ಕರಿಬೇವು- ೨ ಎಳೆ

ಎಣ್ಣೆ- ೭-೯ ಚಮಚ 

ಅರಿಸಿನ- ೧ ಚಮಚ 

ಸಾಸುವೆ- ೨ ಚಮಚ 

ಉಪ್ಪು ರುಚಿಗೆ 

ಮಾಡುವ ವಿಧಾನ:

 ಹುಳಿಸೆ ಹಣ್ಣಿಗೆ ಸ್ವಲ್ಪ ನೀರನ್ನು ಹಾಕಿ ನೆನಸಿ. ದಪ್ಪ ರಸ ತೆಗೆಯಿರಿ. 

ಎಳ್ಳನ್ನು ಹುರಿದು ತರಿ ತರಿಯಾಗಿ ಪುಡಿ ಮಾಡಿ.

ದಪ್ಪ ತಳದ ಪಾತ್ರೆಯಲ್ಲಿ ಎಣ್ಣೆ, ಸಾಸುವೆ, ಕರಿಬೇವು ಅರಿಸಿನ ಹಾಕಿ ಹುರಿದು ಕಡಲೆ ಬೀಜವನ್ನು ಇದರಲ್ಲಿ ಹುರಿಯಿರಿ. ಇದಕ್ಕೆ ಬೆಲ್ಲ , ಹುಳಿಸೆ ರಸವನ್ನು ಹಾಕಿ- ೫ ನಿಮಿಷ ಕುದಿಸಿ.

ನಂತರ ಸಾರಿನ ಪುಡಿಯನ್ನು, ಕೊಬ್ಬರಿ ತುರಿಯನ್ನು   ಹಾಕಿ ಚೆನ್ನಾಗಿ ಕುದಿಸಿ.

ಉಪ್ಪು ಸೇರಿಸಿ ದಪ್ಪ ಮಿಶ್ರಣ ಸಿದ್ಧಪಡಿಸಿ. ಇದನ್ನು ಬಿಸಿ ಅನ್ನ , ನೆನಸಿದ ಅವಲಕ್ಕಿಯ ಜೊತೆ ಸೇರಿಸಿದರೆ ಪುಳಿಯೋಗರೆ ಸಿದ್ಧವಾಗುತ್ತದೆ.

ಚಂದ್ರಿಕಾ ಹೆಗಡೆ

ಅವಲಕ್ಕಿ ಪುಳಿಯೋಗರೆ

ಅಗತ್ಯ ಸಾಮಗ್ರಿ :

ಗಟ್ಟಿ ಅವಲಕ್ಕಿ- ೨ ಕಪ್

ಪುಳಿಯೋಗರೆ ಗೊಜ್ಜು- ೨ ಚಮಚ (ದೊಡ್ಡ ಚಮಚ)

ಕಡಲೆ ಬೀಜ( ಶೇಂಗ)- ೧/೪ ಕಪ್

ಎಣ್ಣೆ- ೨ ಚಮಚ

ಕರಿಬೇವು- ೧ ಎಳೆ

ಉಪ್ಪು ರುಚಿಗೆ

ಮಾಡುವ ವಿಧಾನ:

ಗಟ್ಟಿ ಅವಲಕ್ಕಿಯನ್ನು ೫-೭ ನಿಮಿಷ ನೀರಿನಲ್ಲಿ ನೆನಸಿಡಿ. ಆಮೇಲೆ  ನೀರನ್ನು ಬಸಿಯಲು ಇಡಿ. ಇನ್ನು ೭-೮ ನಿಮಿಷದ ಮೇಲೆ  ಬಾಣಲೆಗೆ ಎಣ್ಣೆ ಹಾಕಿ ಕಡಲೆ ಬೀಜವನ್ನು ಹುರಿಯಿರಿ. ಇದಕ್ಕೆ ಕರಿಬೇವು, ಪುಳಿಯೋಗರೆ ಗೊಜ್ಜು ಅವಲಕ್ಕಿ ಹಾಕಿ. ಪುಳಿಯೋಗರೆ ಗೊಜ್ಜನ್ನು ಸಿದ್ಧಪಡಿಸುವಾಗಲೇ ಉಪ್ಪನ್ನು ಹಾಕಿರುವ ಕಾರಣ ಉಪ್ಪನ್ನು ನೋಡಿ ಮತ್ತೆ ಸೇರಿಸಿ. 

ಚಂದ್ರಿಕಾ ಹೆಗಡೆ

ಬದನೇಕಾಯಿ ಮಸಾಲ ರೈಸ್

ಅಕ್ಕಿ- ೧ಕಪ್

ಬದನೇಕಾಯಿ-೪

ಈರುಳ್ಳಿ- ೧ 

ಹುಳಿಸೆ ರಸ- ೧ ೧/೨ ಚಮಚ

ಸಕ್ಕರೆ-೧/೨ ಚಮಚ

ಗರಂ ಮಸಾಲ- ೨ ಚಮಚ

ಅರಿಸಿನ- ೧/೨ ಚಮಚ 

ಉಪ್ಪು

ತುಪ್ಪ- ೨ ಚಮಚ 

ಮೆಣಸಿನ ಕಾಳು ಪುಡಿ- ೧/೨ ಚಮಚ

ಕರಿ ಬೇವು- ೧ ಎಳೆ

ತೆಂಗಿನ ತುರಿ- ೧/೪ ಬಟ್ಟಲು 

೧  ಚಮಚ  ಎಣ್ಣೆ , ಸಾಸುವೆ  

ಮಾಡುವ ವಿಧಾನ:

ತೆಂಗಿನ ತುರಿಯನ್ನು ರುಬ್ಬಿ. ಬದನೆ ಕಾಯಿ ಉದ್ದಗೆ ಹೆಚ್ಚಿ.ಈರುಳ್ಳಿಯನ್ನು ಹೆಚ್ಚಿ.. 

ಅಕ್ಕಿ ತೊಳೆದು ಎಲ್ಲವನ್ನು ಸೇರಿಸಿ, ನೀರನ್ನು ಹಾಕಿ  ಕುಕ್ಕರ್ನಲ್ಲಿ ೩ ಕೂಗು ಮಾಡಿ.

ಮೇಲಿಂದ ಬೇಕಾದ್ರೆ ಇನ್ನಸ್ಟು ತುಪ್ಪ ಸೇರಿಸಿ.
ನಂತರ ಸಾಸುವೆ ಒಗ್ಗರಣೆ ಮಾಡಿ. 

ಬದನೆ ಕಾಯಿ ಅನ್ನಕ್ಕೆ ಹೊಂದಿಕೊಂಡಿರುತ್ತದೆ. ನಿಮಗೆ ಹೋಳುಗಳಾಗಿ ಸಿಗುವದಿಲ್ಲ.
ಹೋಳು ಸಿಗಬೇಕಂದರೆ  ಅನ್ನ ಮಾಡಿದ ಮೇಲೆ ಎಲ್ಲವನ್ನು ಸೇರಿಸಬೇಕು. ಈ ಮೇಲೆ ನಾನು ಹೇಳಿದ ತರಹ ಮಾಡಿದರೆ ಸಮಯದ ಉಳಿತಾಯವಾಗುತ್ತದೆ.

ಆರಾಮದಾಯಕ ಅಡಿಗೆ....ಮನಸ್ಸಿಗೂ... ಉದರಕ್ಕೂ.....

ಚಂದ್ರಿಕಾ ಹೆಗಡೆ

ಕಡಲೆ ಬೀಜ ( ಶೇಂಗ) ಕೆಂಪು ಚಟ್ನಿ

ಕಡಲೆ ಬೀಜ- ೧/೨ ಕಪ್

ತೆಂಗಿನ ತುರಿ- ೧/೪ ಕಪ್ 

ಕೆಂಪು ಮೆಣಸಿನ ಕಾಯಿ- ೩ 

ಉಪ್ಪು

ಸಕ್ಕರೆ- ೧/೪ ಚಮಚ

ಇಂಗು, ೧ ಚಮಚ ಎಣ್ಣೆ, ಸಾಸುವೆ - ಒಗ್ಗರಣೆಗೆ 

ಕಡಲೆ ಬೀಜ, ಕೆಂಪು ಮೆಣಸಿನ ಕಾಯಿಗಳನ್ನು   ೧/೨ ಚಮಚ  ಎಣ್ಣೆಯಲ್ಲಿ ಹುರಿಯಿರಿ.

ಇದಕ್ಕೆ ತೆಂಗಿನ ತುರಿ, ಸ್ವಲ್ಪ ನೀರು ಸೇರಿಸಿ, ಉಪ್ಪು ಸಕ್ಕರೆ ಹಾಕಿ ರುಬ್ಬಿ.

 ರುಬ್ಬಿದ ಮಿಶ್ರಣಕ್ಕೆ, ಇಂಗು ಸಾಸುವೆ ಒಗ್ಗರಣೆ ನೀಡಿ.

ಸಕಾಲಕ್ಕೆ ಸಿಗಲಿ ಸವಿ ಭೋಜನ.....

ಚಂದ್ರಿಕಾ ಹೆಗಡೆ

ಪಪಾಯ ಜ್ಯೂಸ್

ಪಪಾಯ- ೧ ಚಿಕ್ಕದು 

ಸಕ್ಕರೆ- ೩ ಚಮಚ

ಚಿಟಿಕೆ ಉಪ್ಪು

ನೀರು.

ಪಪಾಯವನ್ನು ಸಿಪ್ಪೆ , ಬೀಜಗಳಿಂದ ಬೇರ್ಪಡಿಸಿ, ಇದಕ್ಕೆ ಸಕ್ಕರೆ, ಉಪ್ಪು, ನೀರು ಸೇರಿಸಿ ಜ್ಯುಸೆರ್ನಲ್ಲಿ  ಹಾಕಿ ಪಾನೀಯ ಸಿದ್ಧಪಡಿಸಿ.

                                         

ಸವಿಯೇ....!

ಪಪಾಯ ಒಳ್ಳೆಯ ಸ್ವಾದಿಷ್ಟ , ಆರೋಗ್ಯಕ್ಕೆ ಉತ್ತಮ ಪೋಷಕಾಂಶಗಳನ್ನು ನೀಡುವ ಫಲ...

ಇದರ ಸುವಾಸನೆ ಕೆಲವೊಬ್ಬರಿಗೆ ವಾಸನೆ!

ಆ ಕಾರಣ ಹಣ್ಣು ಹಾಗೆ ತಿಂದರೆ ಈ ತೊಂದರೆ... ಬೇರೆ ರೂಪದಲ್ಲಿ ನೀಡುವ ಯತ್ನ ಫಲಕಾರಿಯಾಗಿದೆ. 

   

ಚಂದ್ರಿಕಾ  ಹೆಗಡೆ  

ಮೊಸರು -ಒಗ್ಗರಣೆ ಅನ್ನ

ಅನ್ನ- ೧ಕಪ್

ಮೊಸರು-೩/೪ ಕಪ್

ಬಾಳಕ ( ಸಂಡಿಗೆ ಮೆಣಸು )- ೨

ಒಗ್ಗರಣೆಗೆ- ೧ ಚಮಚ ಸಾಸುವೆ, ಎಣ್ಣೆ

ಉಪ್ಪು

ಸಕ್ಕರೆ-೧ /೪ ಚಮಚ

ಅನ್ನ, ಮೊಸರು, ಉಪ್ಪು, ಸಕ್ಕರೆ ಸೇರಿಸಿ. 

ಎಣ್ಣೆಗೆ  ಸಾಸುವೆ, ಸಂಡಿಗೆ ಮೆಣಸು  ಹಾಕಿ ಹುರಿದು , ಮೊಸರು ಸೇರಿಸಿತ್ತ ಅನ್ನಕ್ಕೆ ಒಗ್ಗರಣೆ ಹಾಕಿ . 

ಸರಳ.... ಸ್ವಾದಿಷ್ಟ ... ಅದೇ..... " ಮನೆಯ ಶಕ್ತಿ" 

ಅವರೆಕಾಯಿ ಉಸುಳಿ

ಬೇಯಿಸಿದ ಅವರೆಕಾಯಿ- ೨ ಕಪ್

ಹಸಿಮೆಣಸು-೨

ಅರಿಸಿನ- ೧/೨ ಚಮಚ

ತೆಂಗಿನ ತುರಿ- ೧/೪ ಕಪ್

ಉಪ್ಪು

ಕರಿಬೇವು

ಒಗ್ಗರಣೆಗೆ- ೧ ಚಮಚ ಎಣ್ಣೆ, ಸಾಸಿವೆ.

ನಿಂಬೆ ರಸ- ೧ ಚಮಚ 

ಒಗ್ಗರಣೆಗೆ ಎಣ್ಣೆ, ಸಾಸಿವೆ, ಕರಿಬೇವು, ಹಸಿಮೆಣಸಿನ ಕಾಯಿ, ಅರಿಸಿನ  ಹಾಕಿ. ಇದಕ್ಕೆ ಬೇಯಿಸಿದ ಅವರೆಕಾಯಿ , ಉಪ್ಪು ಹಾಕಿ. ಸ್ವಲ್ಪ ಆರಿದ ಮೇಲೆ ತೆಂಗಿನ ತುರಿ, ನಿಂಬೆರಸ ಸೇರಿಸಿ.

ಅರೆ ... ಅವರೇ.....

ಚಂದ್ರಿಕಾ ಹೆಗಡೆ

ಖಿಚಡಿ 1

ಅಕ್ಕಿ- ೨ ಕಪ್

ತೊಗರಿಬೇಳೆ - ೧/೨ ಕಪ್

ತೆಂಗಿನ ತುರಿ- ೧ ಕಪ್

ಬೀಟ್ ರೂಟ್-೧

ಬದನೆ ಕಾಯಿ-೧

ಫ್ಲಾವರ್   -೧/೪

ಬೀನ್ಸ್- ೫

ಈರುಳ್ಳಿ-೧

ಹುಳಿಸೆ ರಸ - ೨ ಚಮಚ

ಅರಿಸಿನ- ೧ ಚಮಚ 

ಸಕ್ಕರೆ- ೧ ಚಮಚ 

ಉಪ್ಪು

ತುಪ್ಪ- ೩ ಚಮಚ 

ಸಾಂಬಾರ್ ಪುಡಿ- ೩ ಚಮಚ 

ಎಲ್ಲ ತರಕಾರಿಗಳನ್ನು ಹೆಚ್ಚಿ.

ತೊಗರಿ ಬೆಲೆ, ಅಕ್ಕಿಯನ್ನು ತೊಳೆಯಿರಿ.

ತೆಂಗಿನ ತುರಿ, ಸಾಂಬಾರ್ ಪುಡಿ, ಸಕ್ಕರೆ, ಹುಳಿಸೆ ರಸ ಸೇರಿಸಿ ರುಬ್ಬಿ.

ಅಕ್ಕಿ, ತೊಗರಿಬೇಳೆಗೆ , ಎಲ್ಲ ತರಕಾರಿ, ರುಬ್ಬಿದ ಮಿಶ್ರಣ, ಅಗತ್ಯಕ್ಕೆ ತಕ್ಕಸ್ಟು ನೀರು ( ಅಕ್ಕಿ೧ ಕಪ್= ೨ ಕಪ್ ನೀರು) ಸೇರಿಸಿ.

ಉಪ್ಪು ರುಚಿಗೆ ತಕ್ಕಸ್ಟು ಹಾಕಿ.

ಕುಕ್ಕರ್ನಲ್ಲಿ- ೩ ಕೂಗು ಮಾಡಿಸಿ.

ಇದಕ್ಕೆ ನಂತರ ತುಪ್ಪ ಸೇರಿಸಿ. 

ಚಂದ್ರಿಕಾ ಹೆಗಡೆ

ಮೆಣಸು ರಸಂ

ಮೆಣಸಿನ ಕಾಳು- ೧೦

ತೊಗರಿ ಬೇಳೆ- ೧/೨ ಕಪ್

ಹುಳಿಸೆ ಹಣ್ಣು- ಅಡಿಕೆ ಗಾತ್ರ 

ಬೆಲ್ಲ- ೧/೨ ಚಮಚ 

ಜೀರಿಗೆ- ೨ ಚಮಚ

ಇಂಗು- ಚಿಟಿಕೆ

ಅರಿಸಿನ- ೧/೨ ಚಮಚ

ಉಪ್ಪು

ಒಗ್ಗರಣೆಗೆ ೧ ಚಮಚ ಎಣ್ಣೆ, ಸಾಸಿವೆ

ಕರಿಬೇವು, ಕೊತ್ತಂಬರಿ ಸೊಪ್ಪು

ತೆಂಗಿನ ತುರಿ- ೧/೪ ಕಪ್

ಗುಂಟುರ್ , ಬ್ಯಾಡಗಿ ಮೆಣಸಿನ ಕಾಯಿ-4

ಮಾಡುವ ವಿಧಾನ 

ಜೀರಿ ಗೆ  , ಮೆಣಸು, ಮೆಣಸಿನ ಕಾಯಿ, ಹುರಿದು ಪುಡಿ ಮಾಡಿ.

ತೊಗರಿಬೇಳೆಯನ್ನು ಅರಿಸಿನ ಹಾಕಿ ಬೇಯಿಸಿ.

ತೆಂಗಿನ ತುರಿ, ಹುಳಿಸೆ ಹಣ್ಣು, ಬೆಲ್ಲ,  ಸೇರಿಸಿ ರುಬ್ಬಿ.

ಬೇಯಿಸಿದ ತೊಗರಿ ಬೇಳೆಗೆ  ಪುಡಿ ಮಾಡಿದ ಜೀರಿಗೆ, ಮೆಣಸು, ಮೆಣಸಿನ ಕಾಯಿ ಹಾಗು ರುಬ್ಬಿದ ಮಿಶ್ರಣ ಸೇರಿಸಿ. ಉಪ್ಪನ್ನು ಹಾಕಿ ಕುದಿಸಿ.

ಕೊತ್ತಂಬರಿ ಸೊಪ್ಪು, ಕರಿಬೇವು , ಇಂಗು ಹಾಕಿ.

ಚೆನ್ನಾಗಿ ಕುದಿಸಿದ ಮೇಲೆ, ಒಗ್ಗರಣೆ ಹಾಕಿ.

ಚಂದ್ರಿಕಾ ಹೆಗಡೆ

ಮಿಕ್ಸೆಡ್ ಫ್ರುಟ್ ಜ್ಯೂಸ್

 ಪೈನಾಪಲ್ - ೧ ಚಿಕ್ಕದು 

ಆಪಲ್ - ೧ ಚಿಕ್ಕದು

ಪಪಾಯ - ೧ ಚಿಕ್ಕದು

ಸಕ್ಕರೆ- ೪ ಚಮಚ

ಉಪ್ಪು- ಚಿಟಿಕೆ 

ನೀರು 

ಮಾಡುವ ಸರದಿಯಲ್ಲಿ... ಎಲ್ಲವನ್ನು ಜ್ಯುಸೆರ್ನಲ್ಲಿ ಹಾಕಿ ರುಬ್ಬಿ. ಸೋಸುವದು ಇಸ್ಟೇ ...

ರುಚಿ ಮಾತ್ರ.... ಅದೆಷ್ಟಪ್ಪ......ವಾಹ್!

ಚಂದ್ರಿಕಾ ಹೆಗಡೆ 

ಅವರೆಕಾಯಿ ಅವಲಕ್ಕಿ

ಗಟ್ಟಿ ಅವಲಕ್ಕಿ- ೨ ಬಟ್ಟಲು

ಬೇಯಿಸಿಟ್ಟ ಅವರೆಕಾಯಿ-೧ ಬಟ್ಟಲು

ಈರುಳ್ಳಿ - ೨ 

ಹಸಿಮೆಣಸು-೨

ಕರಿಬೇವು- ೨ ಎಳೆ

ಎಣ್ಣೆ- ೪ ಚಮಚ

 ಒಗ್ಗರಣೆಗೆ  - ಸಾಸಿವೆ ೧ ಚಮಚ

 ಅರಿಸಿನ -೧ ಚಮಚ 

ಉಪ್ಪು

ಸಕ್ಕರೆ-೧ ಚಮಚ

ಹುಳಿಸೆ ರಸ-೧ ಚಮಚ 

 ತೆಂಗಿನ ತುರಿ- ೧/೨ ಬಟ್ಟಲು 

ಮಾಡುವ ವಿಧಾನ

1. ಅವಲಕ್ಕಿಯನ್ನು-೫ ನಿಮಿಷ ನೆನಸಿ.
2. ನೆನೆಯುವ ಸಮಯಕ್ಕೆ ಈರುಳ್ಳಿ, ಹಸಿಮೆಣಸು  ಹೆಚ್ಚಿ .
3. ಅವಲಕ್ಕಿಯನ್ನು ಹಿಂಡಿ ಅಥವಾ ನೀರನ್ನು ಬಸಿಯಲು ಬಿಡಿ.  ಇನ್ನು ೫ ನಿಮಿಷ ಹಾಗೆ ಬಿಡಿ. ಇದರಿಂದ ಅವಲಕ್ಕಿ ತನ್ನಲ್ಲಿರುವ ನೀರನ್ನು ಹೀರಿ ಮೃದುವಾಗುತ್ತದೆ.
4. ಬಾಣಲೆಗೆ  ಎಣ್ಣೆ, ಸಾಸಿವೆ, ಹಸಿಮೆಣಸು ಹಾಕಿ ಒಗ್ಗರಣೆ ಸಿದ್ಧಪಡಿಸಿ. 
5. ಈರುಳ್ಳಿ, ಕರಿಬೇವು, ಬೇಯಿಸಿಟ್ಟ ಅವರೆಕಾಯಿ,ಅರಿಸಿನ , ಸ್ವಲ್ಪ ಉಪ್ಪು, ಸಕ್ಕರೆ, ಹುಳಿಸೆ ರಸ  ಹಾಕಿ ೩ ನಿಮಿಷ ಎಲ್ಲವು ಹೊಂದಿಕೊಳ್ಳಲು  ಸಣ್ಣ ಉರಿಯಲ್ಲಿ ಇಡಿ. 
6. ಈಗ ಅವಲಕ್ಕಿ ಸೇರಿಸಿ. ಅಗತ್ಯವೆನಿಸಿದರೆ ಇನ್ನಸ್ಟು ಉಪ್ಪು ಸೇರಿಸಿ, ಸಣ್ಣ ಉರಿಯಲ್ಲಿ ೫ ನಿಮಿಷ ಇಡಿ. 
7. ಕೊನೆಯಲ್ಲಿ ತೆಂಗಿನ ತುರಿ ಸೇರಿಸಿ. 

ಅವರೇ .....!

ಚಂದ್ರಿಕಾ ಹೆಗಡೆ

ಉದ್ದಿನ ಬೇಳೆ ಕೊತ್ತಂಬರಿ ಸೊಪ್ಪಿನ ಚಟ್ನಿ

ಉದ್ದಿನ ಬೇಳೆ - ೨ ಚಮಚ

ಹಸಿಮೆಣಸು- ೨

ಕೊತ್ತಂಬರಿ ಸೊಪ್ಪು೧/೪ ಹಿಡಿ

ತೆಂಗಿನ ತುರಿ- ೧ ಕಪ್

ಉಪ್ಪು

ಎಣ್ಣೆ- ೧ ಚಮಚ 

ಒಗ್ಗರಣೆಗೆ- ೧ ಚಮಚ ಎಣ್ಣೆ, ೧/೨ ಚಮಚ ಸಾಸಿವೆ 

 ೧ ಚಮಚ ಎಣ್ಣೆಯನ್ನು   ಬಿಸಿ ಮಾಡಿ.

ಇದಕ್ಕೆ ಉದ್ದಿನ ಬೇಳೆಯನ್ನು ಹಾಕಿ ಕೆಂಪಾಗುವಂತೆ ಹುರಿಯಿರಿ.

ಇದಕ್ಕೆ ಕೊತ್ತಂಬರಿ ಸೊಪ್ಪನ್ನು , ಹಸಿಮೆಣಸನ್ನು ಹಾಕಿ ಹುರಿಯಿರಿ.

ಇವುಗಳನ್ನೂ, ತೆಂಗಿನ ತುರಿ, ಉಪ್ಪು ಸ್ವಲ್ಪ ನೀರು ಹಾಕಿ ರುಬ್ಬಿ.

ಇದಕ್ಕೆ ಸಾಸಿವೆ ಒಗ್ಗರಣೆ ಮಾಡಿ.

ಚಂದ್ರಿಕಾ ಹೆಗಡೆ

ಜೀರಿಗೆ ದೋಸೆ

ವಾಯುಪ್ರಕೋಪ   (gas )   ಪರಿಹರಿಸಲು ಜೀರಿಗೆಯನ್ನು ಬಳಸುವದು ತಿಳಿದೇ ಇದೆ. ಇದನ್ನು ಕಷಾಯ ರೂಪದಲ್ಲಿ ಸೇವಿಸಲು ಮನಸ್ಸಿಲ್ಲದೆ ಇದ್ದಾಗ ದೋಸೆಯಲ್ಲಿ  ಮಿಶ್ರಣಮಾಡಿ ಸೇವನೆ ಮಾಡಬಹುದು. ಜೀರಿಗೆ  ಮನೆಯ ಅಡುಗೆಮನೆಯಲ್ಲಿ  ಶಕ್ತಿ ರೂಪದಲ್ಲಿ ಡಬ್ಬಿಯಲ್ಲಿ ಕುಳಿತಿರುತ್ತದೆ!

ಅಗತ್ಯ:

ಜೀರಿಗೆ-೪ ಚಮಚ

ಕೊತ್ತಂಬರಿ ಸೊಪ್ಪು- ೧/೨ ಹಿಡಿ

ಮೆಣಸು ಕಾಳು- ೧ ಚಮಚ

ಶುಂಟಿ ೧/೨ ಇಂಚು

ದೋಸೆ ಹಿಟ್ಟು- ೪ ಕಪ್

ಉಪ್ಪು

ಮಾಡುವ ಕ್ರಮ:

 ಜೀರಿಗೆ ಹುರಿದಿಡಿ.

ಇದನ್ನು, ಕೊತ್ತಂಬರಿ ಸೊಪ್ಪು, ಮೆಣಸು ಕಾಳು, ಶುಂಟಿ, ಸೇರಿಸಿ ತರಿ ತರಿಯಾಗಿ ಪುಡಿ ಮಾಡಿ.

ಪುಡಿಯನ್ನು  ದೋಸೆ ಹಿಟ್ಟಿಗೆ ಸೇರಿಸಿ.ಉಪ್ಪು ಹಾಕಿ .ದೋಸೆ ಸಿದ್ಧಪಡಿಸಿ. 

ಚಂದ್ರಿಕಾ ಹೆಗಡೆ

ಪುದಿನ ಚಟ್ನಿ

ಪುದಿನ- ೧ ಕಟ್ಟು 

ಹುರಿಗಡಲೆ (ಪುಟಾಣಿ)- ೧/೪ ಬಟ್ಟಲು

ತೆಂಗಿನ ತುರಿ- ೧ ಬಟ್ಟಲು

ಹುಳಿಸೇ ರಸ- ೧/೪  ಚಮಚ 

ಉಪ್ಪು

ಸಕ್ಕರೆ-೧/೨ ಚಮಚ

ಎಣ್ಣೆ-೨ ಚಮಚ

ಹಸಿಮೆಣಸು -೨

ಸಾಸಿವೆ-೧ ಚಮಚ

ಪುದಿನ ಸೊಪ್ಪನ್ನು ತೊಳೆದು, ಕಡ್ಡಿಯಿಂದ   ಸೊಪ್ಪನ್ನು ಬೇರ್ಪಡಿಸಿ.

ಸೊಪ್ಪನ್ನು, ಹಸಿಮೆಣಸನ್ನು , ಹುರಿಗಡಲೆಯನ್ನು  ೧ ಚಮಚ ಎಣ್ಣೆಯಲ್ಲಿ  ಹುರಿಯಿರಿ-<೨ ನಿಮಿಷ>

ಇದಕ್ಕೆ ತೆಂಗಿನ ತುರಿ, ಉಪ್ಪು, ಸಕ್ಕರೆ ,ಹುಳಿಸೇ ರಸ ಸೇರಿಸಿ ರುಬ್ಬಿ.

ಈ ರುಬ್ಬಿದ ಮಿಶ್ರಣಕ್ಕೆ, ೧ ಚಮಚ ಎಣ್ಣೆಯಲ್ಲಿ ಸಾಸಿವೆ ಒಗ್ಗರಣೆ ಮಾಡಿ  ಸೇರಿಸಿ.< ಚಟ್ನಿ ನೀರು ಬೇಕಿದ್ರೆ ನೀರನ್ನು ಸೇರಿಸಿ.>

ದೋಸೆ/ ರೊಟ್ಟಿ/ ಚಪಾತಿಯೊಂದಿಗೆ ಜೊತೆ....

ಸವಿ.+..ಆರೋಗ್ಯ..=...ಮನೆಯ ಶಕ್ತಿ....

ಚಂದ್ರಿಕಾ ಹೆಗಡೆ

ಚಿಕ್ಕು (ಸಪೋಟ ) ಮಿಲ್ಕ್ ಶೇಕ್

ಚಿಕ್ಕು-೪

ಸಕ್ಕರೆ-೩  ಚಮಚ

ಹಾಲು-೩ ಲೋಟ

ಎಲ್ಲವನ್ನೂ ಸೇರಿಸಿ/ ಬೇಕಿದ್ರೆ ನೀರನ್ನೂ ಹಾಕಿ ಜ್ಯುಸೆರ್ನಲ್ಲಿ ರುಬ್ಬಿ.

ಚಿಕ್ಕು  ರುಚಿಕರ ಹಣ್ಣು. !

ಚಂದ್ರಿಕಾ ಹೆಗಡೆ

ಕ್ಯಾರೆಟ್ ರಸಂ

ಕ್ಯಾರೆಟ್- ೧ 

ರಸಂ ಪುಡಿ- ೩ ಚಮಚ

ಹುಳಿಸೆ ರಸ- ೨ ಚಮಚ

ಬೆಲ್ಲ- ೧ ಚಮಚ

ಹಸಿಮೆಣಸು-೧

ಇಂಗು chitike

ಉಪ್ಪು ಒಗ್ಗರಣೆಗೆ- ಎಣ್ಣೆ, ಸಾಸಿವೆ, ಜೀರಿಗೆ 

ಕರಿಬೇವು ೧ ಎಳೆ 

ಕೊತ್ತಂಬರಿ ಸೊಪ್ಪು ೨ ಗಿಡ 

ಕ್ಯಾರೆಟ್ ಅನ್ನು ಮಿಕ್ಸಿಯಲ್ಲಿ ರುಬ್ಬಿ.

ಇದಕ್ಕೆ ಹುಳಿಸೆ ರಸ, ಬೆಲ್ಲ, ರಸಂ ಪುಡಿ, ಉಪ್ಪು, ಕರಿಬೇವು,ಹಸಿಮೆಣಸು ಸೀಳಿದ್ದು, ಕೊತ್ತಂಬರಿ ಸೊಪ್ಪು, ಇಂಗು ಸೇರಿಸಿ- ೨ ಕುದಿ ಮಾಡಿ.

ಇದಕ್ಕೆ ಜೀರಿಗೆ, ಸಾಸುವೆ ಒಗ್ಗರಣೆ ಮಾಡಿ.

ಸರಳವಾದರೂ ಗೆಲ್ಲುತ್ತೆ.....!

ಚಂದ್ರಿಕಾ ಹೆಗಡೆ

ಸಾಂಬಾರ್ ಅವಲಕ್ಕಿ

ಗಟ್ಟಿ ಅವಲಕ್ಕಿ- ೨ ಕಪ್

ಈರುಳ್ಳಿ-೨

ಹಸಿಮೆಣಸಿನ ಕಾಯಿ-೨

ಕೊತ್ತಂಬರಿ ಸೊಪ್ಪು- ೧/೪ ಹಿಡಿ

ಕರಿಬೇವು-೧೦ ಎಲೆಗಳು

ಅರಿಸಿನ -೧/೨ ಚಮಚ

ಸಾಂಬಾರ್ ಪುಡಿ- ೨ ಚಮಚ

ಹುಳಿಸೆ ರಸ- ೨ ಚಮಚ 

ಸಕ್ಕರೆ- ೧ ಚಮಚ 

ಉಪ್ಪು

ಇಂಗು - ಪುಡಿ ೧/೪ ಚಮಚ

ಎಣ್ಣೆ- ೩ ಚಮಚ

ತೆಂಗಿನ ತುರಿ- ೧/೨ ಬಟ್ಟಲು 

ಸಾಸಿವೆ- ೧ ಚಮಚ 

ಗಟ್ಟಿ ಅವಲಕ್ಕಿಯನ್ನು ೫ ನಿಮಿಷ ನೆನಸಿ. ನೀರು ಬಿಸಿದು ಇಡಿ. ಹುಳಿಸೆ ರಸ ಸಿದ್ಧಪಡಿಸಿ.

ಈರುಳ್ಳಿ, ಕೊತ್ತಂಬರಿ ಸೊಪ್ಪು ಹೆಚ್ಚಿಡಿ.

ಬಾಣಲೆಗೆ ಎಣ್ಣೆ, ಸಾಸಿವೆ ಹಾಕಿ ಚಟ ಪಟ್  ಆದಮೇಲೆ ಹಸಿಮೆಣಸು, ಈರುಳ್ಳಿ, ಕರಿಬೇವನ್ನು ಹಾಕಿ ಹುರಿಯಿರಿ.

ಸಾಂಬಾರ್ ಪುಡಿ, ಹುಳಿಸೆ ರಸ , ಅರಿಸಿನ ಸಕ್ಕರೆ ಹಾಕಿ, ೧ ನಿಮಿಷ ಹುರಿಯಿರಿ.

ಉಪ್ಪು , ಹಿಂಗು, ಕೊತ್ತಂಬರಿ ಸೊಪ್ಪು ಸ್ವಲ್ಪ ಉಪ್ಪು ,ಹಾಕಿ.

ನೆನಸಿ  ಮೆತ್ತಗಾದ ಅವಲಕ್ಕಿಯನ್ನು ಸೇರಿಸಿ. ಕೈಯ್ಯಾಡಿಸಿ.

ಅಗತ್ಯಕ್ಕೆ ತಕ್ಕಸ್ಟು ! ಉಪ್ಪು ಸೇರಿಸಿ. 

೫ ನಿಮಿಷ ಬಿಸಿ ಮಾಡಿ. 

ಕೊನೆಯಲ್ಲಿ  ತೆಂಗಿನ ತುರಿ ಸೇರಿಸಿ. 

ಅದೇನು ರುಚಿಯೇ.....

ಚಂದ್ರಿಕಾ ಹೆಗಡೆ

ಫ್ರುಟ್ ಸಲಾಡ್

ಬಾಳೆಹಣ್ಣು -೧

ಚಿಕ್ಕು-೧

ಆಪಲ್ -೧

ಪಪಾಯ-೧/೪

ಸಕ್ಕರೆ-೩ ಚಮಚ

ಫ್ರೆಶ್ ಕ್ರೀಮ್- ೨ ಚಮಚ

ಕಸ್ಟರ್ಡ್ ಪುಡಿ- ೧ ಚಮಚ

ಹಾಲು-೧/ ಬಟ್ಟಲು 

ಎಲ್ಲ ಹಣ್ಣು ಗಳನ್ನೂ  ಹೆಚ್ಚಿ, ಸಕ್ಕರೆ ,ಕ್ರೀಮ್ ಸೇರಿಸಿ. ಇದಕ್ಕೆ ಹಾಲಿನಲ್ಲಿ ಕದಡಿದ ಕಸ್ಟರ್ಡ್ ಪುಡಿ ಹಾಕಿ. ಇದಕ್ಕೆ ಬೇಕಿದ್ರೆ  ಒಣ ಹಣ್ಣು, ಬಾದಾಮ್   ಸೇರಿಸ ಬಹುದು.

ಹಿತವೇ...

ಚಂದ್ರಿಕಾ ಹೆಗಡೆ

ಖಾರ ಪೊಂಗಲ್

ಹೆಸರು ಬೇಳೆ-೧ ಕಪ್
ಅಕ್ಕಿ-೧ ಕಪ್
ಹಸಿಮೆಣಸು   - ೨ ಮೆಣಸಿನ ಕಾಳು- ೧೦
ತುಪ್ಪ-೨ ಚಮಚ
ಕರಿಬೇವು
ಗೋಡಂಬಿ
ಅರಿಸಿನ - ಚಿಟಿಕೆ
ಉಪ್ಪು ರುಚಿಗೆ ತಕ್ಕಸ್ಟು
ಸಾಸಿವೆ- ೧ ಚಮಚ
ಕೊಬ್ಬರಿ ತುರಿ೧/೪ ಬಟ್ಟಲು

ಮಾಡುವ ವಿಧಾನ :
ಹೆಸರು ಬೇಳೆಯನ್ನು ಘಂ ಅನ್ನುವಂತೆ ಹುರಿಯಿರಿ<  ಸಣ್ಣ ಉರಿಯಲ್ಲಿ ೫ ನಿಮಿಷ ಹುರಿದರೆ ಸಾಕು>
ಅಕ್ಕಿ, ಹೆಸರುಬೇಳೆಯನ್ನು ಬೇಯಿಸಿ.
ಮೆಣಸಿನ ಕಾಳನ್ನು ಪುಡಿ ಮಾಡಿ.
ಬಾಣಲೆಗೆ ತುಪ್ಪ,ಸಾಸಿವೆ, ಗೋಡಂಬಿ ಕರಿಬೇವು ಹಸಿಮೆಣಸು ಹಾಕಿ ಒಗ್ಗರಣೆ
ಸಿದ್ಧಪಡಿಸಿ  . ಅರಿಸಿನ ಹಾಕಿ .
ಇದಕ್ಕೆ ಮೆಣಸಿನ ಕಾಳಿನ ಪುಡಿ , ಅನ್ನ, ಹೆಸರುಬೇಳೆ< ಬೇಯಿಸಿದ್ದು> ಉಪ್ಪು ಸೇರಿಸಿ.
ಕೊನೆಯಲ್ಲಿ ಕೊಬ್ಬರಿ ತುರಿ ಸೇರಿಸಿ.

ಖಾರವಾದಸ್ಟು ಹಿತ... ಮೆಣಸಿನ ಕಾಳು ಆಯುರ್ವೇದದಲ್ಲಿ ಮಹತ್ವ- ಸತ್ವನ್ನು ಹೊಂದಿರುವ ಸಾಂಬಾರ್ ಪದಾರ್ಥ!


ಚಂದ್ರಿಕಾ ಹೆಗಡೆ

ಸಿಹಿ ಪೊಂಗಲ್

 ಹೆಸರು ಬೇಳೆ- ೧ ಕಪ್
ಅಕ್ಕಿ- ೧ ಕಪ್
ಬೆಲ್ಲ - ೧ ಅಚ್ಚು ದೊಡ್ಡದು<ಪುಡಿ ಮಾಡಿಕೊಳ್ಳಿ.
ತುಪ್ಪ-೪ ಚಮಚ
ಹಾಲು-೧/೨ ಕಪ್
ಗೋಡಂಬಿ, ದ್ರಾಕ್ಷಿ
ಜಾಯ್ ಕಾಯ್- ಪುಡಿ, ಏಲಕ್ಕಿ ಪುಡಿ- ೧/೨ ಚಮಚ


ಮಾಡುವ ವಿಧಾನ- ಹೆಸರು ಬೇಳೆಯನ್ನು ಘಂ ಎನ್ನುವ ಹಾಗೆ ಹುರಿದುಕೊಳ್ಳಿ. ಅಕ್ಕಿ ಹಾಗು ಹೆಸರುಬೇಳೆಯನ್ನು ಸೇರಿಸಿ ಬೇಯಿಸಿಕೊಳ್ಳಿ.
ಬಾಣಲೆಗೆ ೩ ಚಮಚ ತುಪ್ಪ ಹಾಕಿ , ಹೆಸರುಬೇಳೆ, ಅನ್ನ , ಬೆಲ್ಲ ಹಾಕಿ ಕುದಿಸಿ.೩ ನಿಮಿಷದ ನಂತರ ಹಾಲನ್ನು ಸೇರಿಸಿ ಕುದಿಸಿ. ೫ ನಿಮಿಷ ಕುದಿಸಿದ ಮೇಲೆಏಲಕ್ಕಿ ಪುಡಿ, ಜಾಯ್ಕೈ ಪುಡಿ ಸೇರಿಸಿ. ,ಇನ್ನೊಂದು ಒಗ್ಗರಣೆ ಸಿದ್ದಮಾಡಿ.  ಇದರಲ್ಲಿ ೧ ಚಮಚ ತುಪ್ಪ, ಗೋಡಂಬಿ, ದ್ರಾಕ್ಷಿ ಹಾಕಿ ಹುರಿದು ಪೊಂಗಲ್ಗೆ ಹಾಕಿ.

ಸವಿ ಪೊಂಗಲ್ ನಿಮ್ಮ ಮನಸ್ಸು, ನಾಲಗೆಗೆ- ಜೀವನದಲ್ಲಿ ಸುಖ ಕ್ಷಣಕ್ಕೆ ಸಾಕ್ಷಿಯಾಗಲಿ....


ಸಂತೃಪ್ತಿಯ .....

ಚಂದ್ರಿಕಾ ಹೆಗಡೆ

ಮೋಸಂಬಿ ಜ್ಯೂಸ್

ಮೋಸಂಬಿ- ೪
ಸಕ್ಕರೆ- ೪ ಚಮಚ
ಉಪ್ಪು ಚಿಟಿಕೆ
ನೀರು


ಮೋಸಂಬಿ ಸಿಪ್ಪೆ ತೆಗೆದು , ಸಕ್ಕರೆ ಉಪ್ಪು ನೀರು ಹಾಕಿ ಜ್ಯುಸರ್ನಲ್ಲಿ ಹಾಕಿ .
ಸಾಲಿಡ್ ಬೇಕೆಂದರೆ ನೀರನ್ನು ಹೊರತುಪಡಿಸಿ ಸಕ್ಕರೆ ಚಿಟಿಕೆ ಉಪ್ಪು ಹಾಕಿ.
ನಂತರ  ಸೋಸಿ.

ಪಾನೀಯ .....ಪೇಯವೂ.....


ಚಂದ್ರಿಕಾ ಹೆಗಡೆ

ಸಾಸುವೆ ಅವಲಕ್ಕಿ

ಗಟ್ಟಿ   ಅವಲಕ್ಕಿ- ೨ ಕಪ್
ತೆಂಗಿನ ತೂರಿ ೧/೨ ಕಪ್
ಹಸಿಮೆಣಸು-೨
ಕರಿಬೇವು- ೧ ಕಡ್ಡಿ
ಸಾಸುವೆ- ೨ ಚಮಚ ಎಣ್ಣೆ ೫ ಚಮಚ
ಸಕ್ಕರೆ ೧  ಚಮಚ
ಉಪ್ಪು ರುಚಿಗೆ
ಬ್ಯಾಡಗಿ, ಗುನ್ಟುರ್ ಮೆಣಸಿನ ಕಾಯಿ - 4
ಅರಿಸಿನ - ೧ ಚಮಚ
ಹುಳಿಸೇ ರಸ- ೩ ಚಮಚ
ಕಡ್ಲೆ ಬೀಜ( ಶೇಂಗ)- ೧ ಹಿಡಿ
ಉದ್ದಿನ ಬೇಳೆ-೧ ಚಮಚ

ಮಾಡುವ ವಿಧಾನ


ಅವಲಕ್ಕಿಯನ್ನು ೫ ನಿಮಿಷ ನೀರಿನಲ್ಲಿ ನೆನಸಿ. ನೀರು ಬಸಿದು  ೧೦ ನಿಮಿಷ ಇಡಿ . ಆಗ ಚೆನ್ನಾಗಿ ಮೃದುವಾಗುತ್ತದೆ.
ತೆಂಗಿನ ತುರಿಯನ್ನು , ಬ್ಯಾಡಗಿ, ಗುನ್ತೂರ್ ಮೆಣಸಿನ ಕಾಯಿ, ಸಾಸುವೆ ಹಾಕಿ ರುಬ್ಬಿ.

ಬಾಣಲೆಗೆ ಎಣ್ಣೆ ಹಾಕಿ ಬಿಸಿ ಮಾಡಿ. ಇದಕ್ಕೆ ಸಾಸುವೆ, ಕಡ್ಲೆ ಬೀಜ, ಉದ್ದಿನ ಬೇಳೆ , ಹಸಿಮೆಣಸಿನ ಕಾಯಿ , ಕರಿ ಬೇವು ಹಾಕಿ ಹುರಿಯಿರಿ.
ಅರಿಸಿನ, ರುಬ್ಬಿದ ಮಿಶ್ರಣ ಸೇರಿಸಿ, ಮತ್ತೆ ಹುರಿಯಿರಿ. ಇದಕ್ಕೆ ಹುಳಿಸೇ ರಸ ಹಾಕಿ. ಉಪ್ಪು, ಸಕ್ಕರೆ ಸೇರಿಸಿ.
ಈಗ ನೆನಸಿ ಮೃದುವಾದ  ಅವಲಕ್ಕಿ, ಇನ್ನಸ್ಟು ಅಗತ್ಯವೆನಿಸಿದ ಉಪ್ಪು ಸೇರಿಸಿ.

ವಿಭಿನ್ನ ಅವಲಕ್ಕಿ ಸಿದ್ಧ .

ಕೆಲವೊಬ್ಬರಿಗೆ ಸಾಸಿವೆ ಹಸಿ ವಾಸನೆ ಇಸ್ಟವಾಗುವದಿಲ್ಲ. ಆಗ ಹುರಿದು ಸೇರಿಸಬಹುದು. ಆದರೆ ಹಸಿವಾಸನೆಯೇ ಇದರ ವೈಶಿಷ್ಟ್ಯ .




ಒಂದು ಅಡುಗೆ ಮನೆಯಲ್ಲಿ ವಿಭಿನ್ನ ರುಚಿ ಬಗೆ......


ಚಂದ್ರಿಕಾ ಹೆಗಡೆ . ...

ಪೈನಾಪಲ್ ಜ್ಯೂಸ್

ಪೈನಾಪಲ್ - ೧/೨

ಸಕ್ಕರೆ- ೧/೨ ಕಪ್

ಚಿಟಿಕೆ ಉಪ್ಪು

ಅಗತ್ಯಕ್ಕೆ ತಕ್ಕಂತೆ ನೀರು

ಪೈನಾಪಲ್  ತುಂಡು ಗಳನಾಗಿ   ಮಾಡಿ, ಸಕ್ಕರೆ , ಉಪ್ಪು ೨ ಲೋಟ ನೀರು  ಜ್ಯೂಸರ್ ನಲ್ಲಿ  ಹಾಕಿ. ಚೆನ್ನಾಗಿ   ರುಬ್ಬಿ. ಸೋಸಿ.- ಸೇವಿಸಿ 

" ಆರೋಗ್ಯವೇ ಭಾಗ್ಯ "

ಚಂದ್ರಿಕಾ ಹೆಗಡೆ

ಕೊತ್ತಂಬರಿ ಹಾಗು ಶುಂಟಿ - ಚಟ್ನಿ

ಕೊತ್ತಂಬರಿ ಸೊಪ್ಪು- ೧/೨ ಹಿಡಿ
ಶುಂಟಿ- ಹೆಬ್ಬೆರಳಿನ ಗಾತ್ರ
ತೆಂಗಿನ ತುರಿ - ೧/೨ ಬಟ್ಟಲು
ಹುರಿಗಡಲೆ- ೧/೨ ಬಟ್ಟಲು
ಹಸಿಮೆಣಸಿನ ಕಾಯಿ- ೩
ಉಪ್ಪು
ಸಕ್ಕರೆ ೧/೨ ಚಮಚ
ಒಗ್ಗರಣೆಗೆ- ೧ ಚಮಚ ಎಣ್ಣೆ ೧/೨ ಚಮಚ ಸಾಸಿವೆ




ಒಗ್ಗರಣೆ ಸಾಮಗ್ರಿ ಬಿಟ್ಟು ಉಳಿದೆಲ್ಲವನ್ನೂ  ಸೇರಿಸಿ ರುಬ್ಬಿ. ನೀರನ್ನು ಅಗತ್ಯಕ್ಕೆ ತಕ್ಕಂತೆ ಬಳಸಿ. ಇದಕ್ಕೆ ಸಾಸಿವೆ ಒಗ್ಗರಣೆ ನೀಡಿ.

ದೋಸೆ/ ಇಡ್ಲಿ/ ಚಪಾತಿ/ ರೊಟ್ಟಿಯ ಜೊತೆ ಬಳಸಬಹುದು.


ಚಂದ್ರಿಕಾ ಹೆಗಡೆ

ಈರುಳ್ಳಿ ದೋಸೆ

ಈರುಳ್ಳಿ- ೩
ದೋಸೆ ಹಿಟ್ಟು- ೨ ಕಪ್
ಕೊತ್ತಂಬರಿ ಸೊಪ್ಪು ೧/೪ ಹಿಡಿ
ಹಸಿಮೆಣಸಿನ ಕಾಯಿ-೨
ಉಪ್ಪು
ಎಣ್ಣೆ




ಈರುಳ್ಳಿ, ಹಸಿಮೆಣಸಿನ ಕಾಯಿ, ಕೊತ್ತಂಬರಿ ಸೊಪ್ಪನ್ನು ಸಣ್ಣದಾಗಿ ಹೆಚ್ಚಿ.


ಇದನ್ನು ದೋಸೆ ಹಿಟ್ಟಿಗೆ ಸೇರಿಸಿ. ಉಪ್ಪು ಸೇರಿಸಿ ದೋಸೆ ಮಾಡಿ. ಎಣ್ಣೆ ಹಾಕಿ ಬೇಯಿಸಿ.

ಇದರೊಂದಿಗೆ ಚಟ್ನಿ ಹಾಕಿ ಸವಿಯಿರಿ.


ಚಂದ್ರಿಕಾ ಹೆಗಡೆ

ಕ್ಯಾರೆಟ್ ದೋಸೆ

ಕ್ಯಾರೆಟ್-೩
ಹಸಿಮೆಣಸಿನ ಕಾಯಿ- ೨
ಕೊತ್ತಂಬರಿ ಸೊಪ್ಪು- ೧/೨ ಕಟ್ಟು


ದೋಸೆ ಹಿಟ್ಟು- ೨ ಕಪ್
ಉಪ್ಪು ರುಚಿಗೆ
ಎಣ್ಣೆ




ಕ್ಯಾರೆಟ್, ಹಸಿಮೆಣಸಿನ ಕಾಯಿ, ಕೊತ್ತಂಬರಿ ಸೊಪ್ಪು ಇವುಗಳನ್ನು  ಮಿಕ್ಸಿಯಲ್ಲಿ  ರುಬ್ಬಿ. ಇದನ್ನು ದೋಸೆ ಮಾಡುವ ಮುನ್ನ ಸೇರಿಸಿ. ಉಪ್ಪು ಹಾಕಿ.  ದೋಸೆ ತವಾದ  ಮೇಲೆ ಹಿಟ್ಟನ್ನು ಹಾಕಿ. ದೋಸೆ ಮಾಡಿ. ಎಣ್ಣೆ ಹಾಕಿ ಬೇಯಿಸಿ.
ಇದರಲ್ಲಿ ಕ್ಯಾರೆಟ್, ಹಸಿಮೆಣಸಿನ ಕಾಯಿ, ಕೊತ್ತಂಬರಿ ಸೊಪ್ಪು ರುಬ್ಬಿದ ಕಾರಣ... ಮಕ್ಕಳು ಹಾಗೆ ತುರಿದು ಹಾಕಿದರೆ ಅಷ್ಟಾಗಿ ಇಷ್ಟಪಡುವದಿಲ್ಲ.. ಇದಕ್ಕೆ ನನ್ನ ಮಗನು ಹೊರತಲ್ಲಾ.....

ಅಹ,,, ದೋಸೆ



ಚಂದ್ರಿಕಾ ಹೆಗಡೆ  

ಬಾಳೇ ಹಣ್ಣಿನ ಪಾಯಸ

ಬಾಳೇ ಹಣ್ಣು ಹೆಚ್ಚಿದ್ದು - ೧ ಕಪ್
ತೆಂಗಿನ ಹಾಲು- ೨ ಕಪ್
ಸಕ್ಕರೆ/ ಬೆಲ್ಲ-  ೩/೪ ಕಪ್
ಏಲಕ್ಕಿ- ೨-೩ ಪುಡಿ ಮಾಡಿದ್ದು
ಚಿಟಿಕೆ ಉಪ್ಪು ( ಹಾಲು ಹಾಕಿದರೆ ಉಪ್ಪು ಸೇರಿಸಬಾರದು.)

ತೆಂಗಿನ ತುರಿಯನ್ನು  ರುಬ್ಬಿ ಸೋಸಿ. ಈ ಹಾಲಿಗೆ ಹೆಚ್ಚಿಟ್ಟ ಬಾಳೇ ಹಣ್ಣು, ಏಲಕ್ಕಿ ಸಕ್ಕರೆ ಅಥವಾ ಬೆಲ್ಲ, ಚಿಟಿಕೆ ಉಪ್ಪು ಹಾಕಿ.
ದೋಸೆ, ಚಪಾತಿ ಜೊತೆ ಇಲ್ಲವೇ ಊಟದ ನಂತರದ ಸಿಹಿಯಾಗಿಯೂ ಸೇವಿಸಲು ಯೋಗ್ಯ.

ಸಿಹಿಯೋ ಸಿಹಿಯು......


ಚಂದ್ರಿಕಾ ಹೆಗಡೆ

ಸಾಂಬಾರ್ ಉಪ್ಪಿಟ್ಟು

ಉಪ್ಪಿಟ್ಟು ರವೆ- ೨ ಕಪ್
ಈರುಳ್ಳಿ-೧
ಹಸಿಮೆಣಸು-೨
ಕರಿಬೇವು-೪-೫
ಎಣ್ಣೆ-೪ ಚಮಚ
ಅರಿಸಿನ
ಸಾಂಬಾರ್ ಪುಡಿ-೨ ಚಮಚ
ಹುಳಿಸೇ ರಸ-೧ ಚಮಚ
ಹಿಂಗು- ಚಿಟಿಕೆಯಷ್ಟು
ಉಪ್ಪು
ಸಕ್ಕರೆ-೧ ಚಮಚ
ಕ್ಯಾರೆಟ್-೧
ದಪ್ಪ ಮೆಣಸಿನ ಕಾಯಿ-೧
ಸಾಸಿವೆ -೧ ಚಮಚ
ತೆಂಗಿನ ತುರಿ ಪೇಸ್ಟ್ - ೧/೪ ಕಪ್

ಮಾಡುವ ವಿಧಾನ:
ಹಸಿಮೆಣಸಿನ ಕಾಯಿ, ಕ್ಯಾರೆಟ್, ದಪ್ಪಮೆನಸಿನ ಕಾಯಿ, ಈರುಳ್ಳಿ, ಇವುಗಳನ್ನು ಹೆಚ್ಚಿಕೊಳ್ಳಿ.
ರವೆಯನ್ನು ಘಂ ಎನ್ನುವಂತೆ ಹುರಿಯಿರಿ.
ಈ ಸಮಯದಲ್ಲೇ ನೀರನ್ನು ಕುದಿಸಿ ಇಟ್ಟುಕೊಳ್ಳಿ.
ಬಾಣಲೆಗೆ ಎಣ್ಣೆ, ಸಾಸಿವೆ ಹಸಿಮೆಣಸಿನ ಕಾಯಿ, ಕರಿಬೇವನ್ನು ಹಾಕಿ ಒಗ್ಗರಣೆ ಮಾಡಿ.
ಇದಕ್ಕೆ ತರಕಾರಿಗಳನ್ನು ಸೇರಿಸಿ.
ಸ್ವಲ್ಪ ಉಪ್ಪು, ಅರಿಸಿನ , ಸಾಂಬಾರ್ ಪುಡಿ ಹಾಕಿ. ಹುಳಿಸೆರಸ, ತೆಂಗಿನ ತುರಿ ಪೇಸ್ಟ್  ಸೇರಿಸಿ.
 ೪ ಕಪ್ ನೀರು ಸೇರಿಸಿ. ಚೆನ್ನಾಗಿ ಕುದಿಸಿ.
ಇದಕ್ಕೆ ಇನ್ನು ಸ್ವಲ್ಪ , ರುಚಿಗೆ ತಕ್ಕಸ್ಟು ಉಪ್ಪು, ಸಕ್ಕರೆ ಸೇರಿಸಿ.
ನಿಧಾನಕ್ಕೆ ಹುರಿದಿಟ್ಟ ರವೆ ಸೇರಿಸಿ.
ಉರಿಯನ್ನು ಕಡಿಮೆ ಮಾಡಿ ೭-೮ ನಿಮಿಷ ಬಿಡಿ.
ಘಮ ಘಮ ಉಪ್ಪಿಟ್ಟು  ನಿಮಗಾಗಿ..... ನಿಮ್ಮಿಂದಲೇ,,,,,

ಚಂದ್ರಿಕಾ ಹೆಗಡೆ

ತೋಯಿಸಿದ ಅವಲಕ್ಕಿ

ಗಟ್ಟಿ ಅವಲಕ್ಕಿ- ೧ ಕಪ್
ಈರುಳ್ಳಿ- ೧ ಹೆಚ್ಚಿ
ಹಸಿಮೆಣಸು-೧ ಹೆಚ್ಚಿ
ಕರಿಬೇವು 3 -೪ ಎಲೆ
ಕೊತ್ತಂಬರಿ ಸೊಪ್ಪು
ಟೊಮೇಟೊ - ೧  ಹೆಚ್ಚಿ
ಉಪ್ಪು
ಎಣ್ಣೆ-೨ ಚಮಚ
ಸಕ್ಕರೆ ೧/೨ ಚಮಚ
ಸಾಸಿವೆ ೧/೨ ಚಮಚ
 ಅರಿಸಿನ ಚಿಟಿಕೆ
ನಿಂಬೆರಸ- ೧ ಚಮಚ


ಗಟ್ಟಿ  ಅವಲಕ್ಕಿಯನ್ನು ೫ ನಿಮಿಷ ನೆನಸಿ  ನೀರು ಬಸಿದು ಇಡಿ.
ಬಾಣಲೆಗೆ ಎಣ್ಣೆ, ಸಾಸಿವೆ ಹಸಿಮೆಣಸು, ಕರಿಬೇವು ಒಗ್ಗರಣೆ ಹಾಕಿ.

ಇದಕ್ಕೆ ಅರಿಸಿನ, ಈರುಳ್ಳಿ ಹಾಕಿ ಹುರಿಯಿರಿ.
ಟೊಮೇಟೊ, ಉಪ್ಪು  ಸೇರಿಸಿ.
ಅವಲಕ್ಕಿ ಹಾಕಿ, ಬಿಸಿ ಮಾಡಿ.
ಕೊನೆಯಲ್ಲಿ ನಿಂಬೆರಸ ಸೇರಿಸಿ. ಉಪ್ಪು ಅಗತ್ಯವೆನಿಸಿದರೆ ಇನ್ನೊಮ್ಮೆ ಉಪ್ಪು ಹಾಕಿ.

ಅವಲಕ್ಕಿ... ಉಪಹಾರಕ್ಕಾಗಿ.....


ಚಂದ್ರಿಕಾ ಹೆಗಡೆ

ಬೆಳ್ಳುಳ್ಳಿ ಅನ್ನ

ಅನ್ನ- ೧ ಬಟ್ಟಲು
ಬೆಳ್ಳುಳ್ಳಿ ಎಸಳು -೫
ಹಸಿಮೆಣಸು- ೧ 
ಕರಿಬೇವು-೪ ಎಲೆ
ಉಪ್ಪು
ಅರಿಸಿನ
ತುಪ್ಪ- ೩ ಚಮಚ
ಸಾಸಿವೆ- ೧/೨ ಚಮಚ

ಬಾಣಲೆಗೆ ತುಪ್ಪ , ಸಾಸಿವೆ, ಹಸಿಮೆಣಸು, ಕರಿಬೇವು, ಬೆಳ್ಳುಳ್ಳಿ ಹಾಕಿ ಹುರಿಯಿರಿ.
ಇದಕ್ಕೆ ಅರಿಸಿನ ಸೇರಿಸಿ.
ಅನ್ನ , ಉಪ್ಪು ಸೇರಿಸಿ.

ಮೊಸರಿನ ಜೊತೆ... ಬೆಳ್ಳುಳ್ಳಿ ಅನ್ನ......


ಚಂದ್ರಿಕಾ ಹೆಗಡೆ