ನೆನಸಿದ ರಾಗಿ-೧ ಕಪ್
ಬೆಲ್ಲ/ ಸಕ್ಕರೆ ೧/೨ ಕಪ್
ಏಲಕ್ಕಿ ೨
ಚಿಟಿಕೆ ಉಪ್ಪು
ರಾಗಿಯನ್ನು+ ಏಲಕ್ಕಿ+ನೀರು ರುಬ್ಬಿ. ಸೋಸಿ. ಅದಕ್ಕೆ ಬೆಲ್ಲ ಚಿಟಿಕೆ ಉಪ್ಪು ಹಾಕಿ ಪಾನೀಯವನ್ನಾಗಿ ಸ್ವೀಕರಿಸಿ.
ಸಿಹಿಯ ಬದಲಾಗಿ ಉಪ್ಪನ್ನು ಹಾಕಿ, ನಿಂಬೆರಸ ಹಾಕಿ ಸೇವಿಸಬಹುದು.
ಮಲೆನಾಡಿನಲ್ಲಿ ಬೇಸಿಗೆಯ ಸಮಯದಲ್ಲಿ... ಎಲ್ಲರ ಮನೆಯಲ್ಲೂ ದಿನಕ್ಕೆ ೫-೧೦ ಸಲ ಆಸರಿಗೆ ಪದ ಕೇಳಲೇ ಬೇಕು....
ಬಂದ ನೆಂಟರಿಗೆ, ಪಕ್ಕದ ಮನೆಯವರಿಗೂ( ಇದು ಮಲೆನಾಡಿಗರ ಪ್ರತಿಷ್ಠೆಯ ಪ್ರಶ್ನೆಯು ಹೌದು. "ಆಸ್ರಿಗೆನು ಕೇಳಿದ್ವಿಲ್ಲೇ " ಅಂದರೆ ಅವರು ಎಂತಹ ಮನುಷ್ಯರು ಎಂದು.! ) ಕೆಲಸದ ಆಳುಗಳಿಗೂ...ಮನೆಯ ಸದಸ್ಯರಿಗೂ.... ಹೀಗೆ...
ಆದ ಕಾರಣ ಈ ಆಸ್ರಿಗೆ ರೂಪ ಹಲವಾರು. ವಾತಾವರಣಕ್ಕೆ ತಕ್ಕಂತೆ... ಮಳೆಗಾಲ ಚಳಿಗಾಲದಲ್ಲಿ ಚಹಾ.. ಕಷಾಯ.. ಬಿಸಿನೀರು ( ಬಿಸಿ ಉದಕ) , ಬೇಸಿಗೆಯಲ್ಲಿ... ಮಜ್ಜಿಗೆ ನೀರು(ತಂಬುಳಿ) ತರಹದ ಆಸ್ರಿಗೆಗಳು....
ಆಸರು ಎಂದರೆ- ಬಾಯಾರಿಕೆ ಎಂದರ್ಥ.
ಆದರೆ ಮಲೆನಾಡಿನ ಬಹು ಭಾಗದಲ್ಲಿ ಇದನ್ನು ಎರಡು ಸಂದರ್ಭದಲ್ಲಿ ಬಳಸುವದನ್ನು ಕಾಣಬಹುದು.
- ಬಾಯಾರಿಕೆ
- ಬೆಳಗಿನ ತಿಂಡಿ.(ಉಪಹಾರ). ಬೆಳಗಿನ ತಿಂಡಿಯ ಸಂದರ್ಭದಲ್ಲಿ ಆಸರಿಗೆ ಕುಡಿದು ಆತ? ಎಂಬ ಮಾತನ್ನು ಕೇಳಬಹುದು. ಇಲ್ಲವೇ ಆಸರಿಗೆ ಆತ ? ಎಂಬುದು ಬಳಕೆ.
ಆಹಾರದ ಬಳಕೆಯ ಓಚಿತ್ಯದ? ಚಿಂತನೆಯಲ್ಲಿ...
ಚಂದ್ರಿಕಾ ಹೆಗಡೆ
ಕಾಮೆಂಟ್ಗಳಿಲ್ಲ:
ಕಾಮೆಂಟ್ ಪೋಸ್ಟ್ ಮಾಡಿ