ಆಲೂ ಪರೋಠ

ಆಲೂ - ೪ ಬೇಯಿಸಿದ್ದು
ಈರುಳ್ಳಿ-೨ ಹೆಚ್ಚಿದ್ದು
ಹಸಿಮೆಣಸು- ೨ ಹೆಚ್ಚಿದ್ದು
ಗರಂ ಮಸಾಲ- ೨ ಚಮಚ
ಉಪ್ಪು ರುಚಿಗೆ
ಕೊತ್ತಂಬರಿ ಸೊಪ್ಪು- ಅರ್ಧ ಹಿಡಿ
ಗೋದಿ ಹಿಟ್ಟು ೪ ಬಟ್ಟಲು
ಬಿಸಿ ಎಣ್ಣೆ ೨ ಚಮಚ
ಪರೋಠ ಬೇಯಿಸಲು  ಎಣ್ಣೆ

ಗೋದಿ ಹಿಟ್ಟನ್ನು ಚಪಾತಿ ಹಿಟ್ಟಿನ ಹದಕ್ಕೆ ಕಲಸಿ
ಕಲಸುವ ಮುನ್ನ: ೨ ಚಮಚ ಎಣ್ಣೆ ಬಿಸಿ ಮಾಡಿ ಹಾಕಿ.ರುಚಿಗೆ ಉಪ್ಪು ಸೇರಿಸಿ. ಬಿಸಿ ನೀರಿನಲ್ಲಿ ಕಲಸಿ.  ಇದರಿಂದ ಚಪಾತಿ/ ಪರೋಠ  ತುಂಬಾ ಮೃದುವಾಗುತ್ತದೆ.
ಬೇಯಿಸಿದ ಆಲೂ ಗಡ್ಡೆಯನ್ನು ಚೆನ್ನಾಗಿ ಹಿಸುಕಿಡಿ.  ಇದಕ್ಕೆ ಕೊತ್ತಂಬರಿ ಸೊಪ್ಪು+ ಹಸಿಮೆಣಸು+ ಗರಮ್  ಮಸಾಲ + ಉಪ್ಪು+ ಹೆಚ್ಚಿದ ಈರುಳ್ಳಿ ಸೇರಿಸಿ.
 ಚಪಾತಿ ಹಿಟ್ಟಿನಲ್ಲಿ ಉಂಡೆ ಮಾಡಿ ಸ್ವಲ್ಪ ಲಟ್ಟಿಸಿ.  ಇದರೊಳಗೆ  ಆಲೂಗಡ್ಡೆಯ ಮಿಶ್ರಣವನ್ನು ಸೇರಿಸಿ . ನಿಧಾನವಾಗಿ ಮುಚ್ಚಿ ಲಟ್ಟಿಸಿ.
ಸ್ವಲ್ಪ ಎಣ್ಣೆ ಸವರಿ  ಪರೋಠ ವನ್ನು  ಬೇಯಿಸಿ.
ಶುಂಟಿ ಚಟ್ನಿ ಜೊತೆಯಾಗಲಿ....

 ಎಲ್ಲೀ.... ಏಳಿ....ಪರೋಠ ತಿನ್ನಿ


ಚಂದ್ರಿಕಾ ಹೆಗಡೆ