ಮಾವಿನ ಹಣ್ಣಿನ ರಸಾಯನ

 ಅಗತ್ಯ:

           ಮಾವಿನ ಹಣ್ಣಿನ ಹೋಳುಗಳು- ೧ ಬಟ್ಟಲು

           ತೆಂಗಿನ ಹಾಲು-೧ ಬಟ್ಟಲು

           ಸಕ್ಕರೆ ಅಥವಾ ಬೆಲ್ಲ ರುಚಿಗೆ ತಕ್ಕಸ್ಟು

           ಏಲಕ್ಕಿ ಪುಡಿ 

           ಚಿಟಿಕೆ ಉಪ್ಪು<ಸವುಳು ಮುರಿಯಲು!>

         

ತೆಂಗಿನ ತುರಿಯನ್ನು ಸ್ವಲ್ಪ ನೀರಿನೊಂದಿಗೆ ರುಬ್ಬಿ. ಅದನ್ನು ಸೋಸಿಕೊಳ್ಳಿ. ಈ ಹಾಲಿಗೆ ಮಾವಿನ ಹಣ್ಣಿನ ಚೂರುಗಳನ್ನು ಏಲಕ್ಕಿ ಪುಡಿ ಸಕ್ಕರೆ ಅಥವಾ ಬೆಲ್ಲ ಸೇರಿಸಿ. ಚಿಟಿಕೆ ಉಪ್ಪನ್ನು ಹಾಕಲು ಮರೆಯದಿರಿ.. 

ಚಪಾತಿ, ದೋಸೆ ಜೊತೆ ಒಳ್ಳೆ ಜೋಡಿ.

ಈ ಪಾಯಸಕ್ಕೆ ಬಾಳೆ ಹಣ್ಣನ್ನು ಸೇರಿಸಬಹುದು .

ಕರಿ ಈಶಾಡು ಮಾವಿನ ಹಣ್ಣಿನ ರುಚಿ....ಸದಾ.....

ಚಂದ್ರಿಕಾ ಹೆಗಡೆ

ಹಲಸಿನ ಬೇಳೆ ಪಲ್ಯ

ಅಗತ್ಯ:

           ಹಲಸಿನ ಬೇಳೆ ೧ ಬಟ್ಟಲು

           ಹಸಿಮೆಣಸು. ಒಣ ಮೆಣಸು ಸೇರಿ  ೪-೫

           ಎಣ್ಣೆ, ಕಾಯಿ ತುರಿ, ಕರಿ ಬೇವು , ಅರಿಸಿನ, ಒಗ್ಗರಣೆಗೆ ಸಾಸಿವೆ, ಉದ್ದಿನ ಬೇಳೆ....

 ಹಲಸಿನ ಬೇಳೆ ಯ ಸಿಪ್ಪೆಯನ್ನು ತೆಗೆದು... ಅದರ ಕಪ್ಪನೆಯ ಭಾಗವನ್ನು ತೆಗೆದು... ಬೆಳ್ಳಗೆ ಮಾಡಿ... ಒಬ್ಬಟ್ಟಿಗೆ ಮಾಡಿಕೊಳ್ಳುವ ತರಹ.... ನಂತರ ಚೂರು... ೧/೨ ಮಾಡಿದರೂ ಸಾಕು... ಕುಕ್ಕರ್ ನಲ್ಲಿ  ಬೇಯಿಸಿ. 

ಬಾಣಲೆಗೆ ಎಣ್ಣೆ ಸಾಸಿವೆ ಉದ್ದಿನ ಬೇಳೆ ಒಗ್ಗರಣೆ ಹಾಕಿ. ಕರಿಬೇವು ಹಸಿಮೆಣಸು ಒಣ ಮೆಣಸು  ಹಾಕಿ ಅರಿಸಿನ ಸೇರಿಸಿ. ಇದಕ್ಕೆ ಉಪ್ಪು ಮಿಕ್ಸ್ ಮಾಡಿ... ಬೇಯಿಸಿದ ಬೇಳೆ ಹಾಕಿ ... ೫ ನಿಮಿಷ ಬೇಯಿಸಿ... ತೆಂಗಿನ ತುರಿ ಸೇರಿಸಿ...

ಒಂದು ಕಿವಿ ಮಾತು:)

ಈ ಪಲ್ಯವನ್ನು ಮಾಡಿದ ದಿನ ಶುಂಟಿ  ಚಟ್ನಿ ಯನ್ನೂ ಮಾಡಿ... ಅಧಿಕ ವಾಯು ತೊಂದರೆ ಕಾಡಿದರೂ ಕಾಡಬಹುದು....

ಅದಕ್ಕಾಗಿ ಶುಂಟಿ ಜೊತೆ ಇದ್ದರೆ  ಸೇಫ್        !

ಮಳೆಗಾಲದ ಮೋಜು.....

ಚಂದ್ರಿಕಾ ಹೆಗಡೆ

ತಾಲಿ ಪಿಟ್ಟು

ಅಗತ್ಯ:

           ಗೋದಿ ಹಿಟ್ಟು ೧ ಬಟ್ಟಲು

            ಜೋಳದ ಹಿಟ್ಟು   ೧/೨ ಬಟ್ಟಲು 

            ಈರುಳ್ಳಿ ೨ ಹೆಚ್ಚಿದ್ದು

           ಕರಿಬೇವು ಹೆಚ್ಚಿದ್ದು

           ಹಸಿಮೆಣಸಿನ ಕಾಯಿ..."

           ಅರಿಸಿನ ಪುಡಿ

            ಕ್ಯಾಪ್ಸಿಕಂ ೧ ಹೆಚ್ಚಿದ್ದು

            

ಹಿಟ್ಟು:

         ಎಲ್ಲವನ್ನು ಸೇರಿಸಿ.... ಚಪಾತಿ ಹಿಟ್ಟಿಗಿಂತಲೂ  ತೆಳ್ಳಗೆ ಕಲೆಸಿ. ನೀರಿನಲ್ಲೇ ಕಲಸಿ

ಒಂದು ತೆಳ್ಳನೆ ಒದ್ದೆ ಬಟ್ಟೆಯಲ್ಲಿ ಒಂದು ಉಂಡೆ ಮಾಡಿ  ಕೈಯಲ್ಲೇ ಲಟ್ಟಿಸಿ...ಕಾದ ಕಾವಲಿ ಮೇಲೆ ನಿಧಾನವಾಗಿ ಹಾಕಿ. ಅದರ ಮೇಲೆ ೧ ಚಮಚ ಎಣ್ಣೆ ಹಾಕಿ...

 ಬಟ್ಟೆ ಬದಲಾಗಿ ಬಾಳೆ ಎಲೆ... ಉತ್ತಮ !

ಸಂತೃಪ್ತಿ.....

ಚಂದ್ರಿಕಾ ಹೆಗಡೆ

ಟೊಮೇಟೊ ಮಸಾಲ

ಅಗತ್ಯ:

೧.ಟೊಮೇಟೊ-೪

೨. ಬೆಳ್ಳುಳ್ಳಿ, ಶುಂಟಿ, ಕೊತ್ತಂಬರಿ ಸೊಪ್ಪು, ಜೀರಿಗೆ , ಹಸಿಮೆಣಸಿನ ಕಾಯಿ ಸೇರಿಸಿ ಮಾಡಿದ ಪೇಸ್ಟ್- ೨ ಚಮಚ

೩.ಗರಂ ಮಸಾಲ-೧ ಚಮಚ

೪. ಟೊಮೇಟೊ ಈರುಳ್ಳಿ  ಸೇರಿಸಿ ರುಬ್ಬಿದ ಚಟ್ನಿ-<ಟೊಮೇಟೊ  ೨  , ೨ ಈರುಳ್ಳಿ >

೫.ರುಚಿಗೆ ಉಪ್ಪು, ಅರಿಸಿನ ಪುಡಿ. ಸ್ವಲ್ಪ ಎಣ್ಣೆ 

ಟೊಮೇಟೊ ಈ ತರಹ ಕಟ್ ಮಾಡಿ... ಬೀಜ ತೆಗೆಯಿರಿ.

ಒಂದು ಪಾತ್ರೆಯಲ್ಲಿ ಎರಡೆನೇ ಮಿಶ್ರಣ, ೩ ಹಾಗು ೪ ಸೇರಿಸಿ. ಉಪ್ಪು ,ಅರಿಸಿನ ಪುಡಿ ಸೇರಿಸಿ... ಎಲ್ಲ ಹೊಂದಿಕೊಳ್ಳುವಂತೆ ಮಿಕ್ಸ್ ಮಾಡಿ... ಟೊಮೇಟೊ ದಲ್ಲಿ ಈ ಮಿಶ್ರಣವನ್ನು ತುಂಬಿ. ಟೊಮೇಟೊ ಬಾಯಿಯನ್ನು ಮುಚ್ಚಿ  :) ಕುಕ್ಕರನಲ್ಲಿ ೩ ಚಮಚ ಎಣ್ಣೆ ಹಾಕಿ.. ಈ ಟೊಮೇಟೊ ಹಾಕಿ ೧ ಕೂಗು ಮಾಡಿ....

ಚಪಾತಿ, ದೋಸೆ, ಅಕ್ಕಿ ರೊಟ್ಟಿ, ತಾಲಿ ಪಿಟ್ಟು ಜೊತೆಗೆ.... ಒಳ್ಳೆ....ಜೊತೆ!

ಮನೆಯ ಶಕ್ತಿ... ಮನೆಯಲ್ಲೇ ಅಡಗಿದೆ....

ಚಂದ್ರಿಕಾ ಹೆಗಡೆ

ಕ್ಯಾರೆಟ್ ಚಟ್ನಿ

ಅಗತ್ಯ:

         ತುರಿದ ಕ್ಯಾರೆಟ್ < ೩-೪>

         ಹಸಿಮೆಣಸಿನ ಕಾಯಿ೨-೩

         ಕಾಯಿ ತುರಿ ಕಾಲು ಕಪ್

         ಕರಿಬೇವು  ೧೦ ಎಲೆಗಳು

          ಉಪ್ಪು, ಹುಳಿಸೆ ರಸ ಸ್ವಲ್ಪ

          ಒಗ್ಗರಣೆಗೆ ಸ್ವಲ್ಪ ಎಣ್ಣೆ  ,ಸಾಸಿವೆ

"" ಕ್ಯಾರೆಟ್ ತುರಿ, ಹಸಿಮೆಣಸಿನ ಕಾಯಿ, ಕರಿಬೇವನ್ನು ಸ್ವಲ್ಪ ಬಾಡಿಸಿಕೊಳ್ಳಿ. ಇದು ಆರಿದ ಮೇಲೆ  ತೆಂಗಿನ ತುರಿ, ರುಚಿಗೆ ತಕ್ಕಸ್ಟು ಉಪ್ಪು, ಹುಳಿಸೆ ರಸ ಸೇರಿಸಿ ರುಬ್ಬಿ.

 ಸಾಸಿವೆ ಒಗ್ಗರಣೆ ಕೊಡಿ""

ಆರೋಗ್ಯಕರ ಚಿಂತನೆ

             

ಚಂದ್ರಿಕಾ  ಹೆಗಡೆ

ಸಬಕ್ಕಿ <ಸಾಬುದಾನಿ > ದೋಸೆ

ಅಗತ್ಯ:

           ಸಬಕ್ಕಿ ೧ ಕಪ್ <೩ ಜನರಿಗೆ>

            ಸ್ವಲ್ಪ ಅಕ್ಕಿ ಹಿಟ್ಟು

             ಈರುಳ್ಳಿ ಸಣ್ಣಗೆ ಹೆಚ್ಚಿದ್ದು <೨ ಈರುಳ್ಳಿ>

            ಹಸಿಮೆಣಸಿನ ಕಾಯಿ೨ ಸಣ್ಣಗೆ ಹೆಚ್ಚಿದ್ದು

            ರುಚಿಗೆ ಉಪ್ಪು

            ಮೊಸರು ೧ ೧/೨  ಕಪ್

ಸಾಬಕ್ಕಿ ಯನ್ನು  ೫-೬ ಗಂಟೆ ನೆನಸಿ.

ಬೆಳಿಗ್ಗೆ ದೋಸೆ ಮಾಡಬೇಕೆನ್ನುವವರು ರಾತ್ರಿ ನೆನಸಿದರೂ ... o .k 

   ಅದಕ್ಕೆ ಹಸಿಮೆಣಸಿನ ಕಾಯಿ, ಈರುಳ್ಳಿ , ಮೊಸರು ಉಪ್ಪು, ಅಕ್ಕಿ ಹಿಟ್ಟು ಸೇರಿಸಿ... ದೋಸೆ ಹಿಟ್ಟಿನ ಹದಕ್ಕೆ.. ತಯಾರಿಸಿ.

ಕಾವಲಿ ಮೇಲೆ ಹುಯ್ದು... 

ಆಹಾ.... ಕ್ಷಣ

ಇದರ ಜೊತೆಗೆ ಕ್ಯಾರೆಟ್  ಚಟ್ನಿ .....

ಚಂದ್ರಿಕಾ ಹೆಗಡೆ

ಮೆಂತೆ ಆಸ್ರಿಗೆ

ಅಗತ್ಯ: 

            ಮೆಂತೆ ೪ ಚಮಚ ನೆನಸಿದ್ದು <ಪ್ರಮಾಣ ೨ ಲೋಟ ಆಸ್ರಿಗೆಗೆ>

             ಬೆಲ್ಲ <ಜೋನಿ ಬೆಲ್ಲ- ೪ ಚಮಚ> ರುಚಿಗೆ  ತಕ್ಕಸ್ಟು

             ಏಲಕ್ಕಿ -೧

             ಚಿಟಿಕೆ ಉಪ್ಪು

ನೆನಸಿದ ಮೆಂತೆ ಯನ್ನು  ಬೆಲ್ಲ ನೀರು ಸೇರಿಸಿ ರುಬ್ಬಿ. ಸ್ವಲ್ಪ ತರಿ ತರಿಯಾಗಿರಲಿ .

 ಅದಕ್ಕೆ ಏಲಕ್ಕಿ ಪುಡಿ , ಚಿಟಿಕೆ ಉಪ್ಪು ಇನ್ನಸ್ಟು ನೀರು ಸೇರಿಸಿ...

 ನಿಜವಾಗ್ಲೂ ಇದನ್ನು ನೀವು ಇಷ್ಟ ಪಡ್ತೀರ! 

  ಮೆಂತೆ ಅಂತಾನು ಗೊತ್ತಾಗೋದಿಲ್ಲ....

ಒಂಥರಾ ಕಬ್ಬಿನ ರಸ ಕುಡಿದ ಹಾಗೇನೆ ಅನಿಸಿದ್ದು ನನ್ನ, ಉದಯ್  ಅನುಭವ...

ಆರೋಗ್ಯಕರ ಪೇಯ

ಇಗ್ಲೇನೆ ಮೆಂತೆ ನೆನಸಿ....

ಚಂದ್ರಿಕಾ ಹೆಗಡೆ

ಮಸಾಲ ಮಜ್ಜಿಗೆ

ಅಗತ್ಯ:

           ಮಜ್ಜಿಗೆ- ೧ ಲೋಟ

           ಉಪ್ಪು ರುಚಿಗೆ ತಕ್ಕಸ್ಟು

           ಜೀರಿಗೆ, ಬೆಳ್ಳುಳ್ಳಿ , ಶುಂಟಿ, ಹಸಿಮೆಣಸು, ಕೊತ್ತಂಬರಿ ಸೊಪ್ಪು ಎಲ್ಲವನ್ನು ಸೇರಿಸಿ ಮಾಡಿದ ಪೇಸ್ಟ್  - ೧ ಚಮಚ < ಇನ್ನು ರುಚಿಗೆ... ಕಾಳು ಮೆಣಸಿನ ಪುಡಿ ಹಾಕಿ...>

          ಚಿಟಿಕೆ ಸಕ್ಕರೆ,

           ನಿಂಬೆ ರಸ ೨ ಚಮಚ

ಮಜ್ಜಿಗೆ ೧ ಲೋಟಕ್ಕೆ ಇನ್ನು ೧ ಲೋಟ ನೀರು ಸೇರಿಸಿ, ಮಸಾಲ ಪೇಸ್ಟ್   < ಮೇಲೆ ಹೇಳಿದ್ದು > ಹಾಕಿ, ಉಪ್ಪು  ಸಕ್ಕರೆ 

         ಸೇರಿಸಿ. ರುಚಿ ಮಸಾಲ ಮಜ್ಜಿಗೆ .....

 ಸವಿ ಸವಿ ಸಮಯ....

     ಚಂದ್ರಿಕಾ ಹೆಗಡೆ