ತೆಂಗಿನ ಹಾಲಿನಲ್ಲಿ ಸೇವಿಗೆ ಪಾಯಸ

ಅಗತ್ಯ :
             ಸೇವಿಗೆ ೧ ಕಪ್
             ಸಕ್ಕರೆ ೩/೪ ಕಪ್( ಬೇಕಾದ ಸಿಹಿ ಅಳತೆಯಲ್ಲಿ)
              ತೆಂಗಿನ ಹಾಲು ೨ ಕಪ್
             ಏಲಕ್ಕಿ , ಗೋಡಂಬಿ,  ದ್ರಾಕ್ಷಿ..
            ಖೋವ.. ಸ್ವಲ್ಪ.
             ತುಪ್ಪ೫-೬ ಚಮಚ.

ಸರಿ ಒಲೆ ಹೊತ್ತಿಸಿ... ಬಾಣಲೆ ಇಟ್ರಾ? ಹುಂ...? ಅದ್ಕಿಂಥಾ ಮುಂಚೆ ಒಂದು ಕೆಲ್ಸಾ ಇದೆ...:
             ತೆಂಗಿನ ತುರಿ ೨ ಬಟ್ಟಲು.. ಇದನ್ನು ಏಲಕ್ಕಿಯನ್ನು ಸ್ವಲ್ಪ ನೀರನ್ನು ಮಿಕ್ಸಿಯಲ್ಲಿ ಹಾಕಿ  ಚೆನ್ನಾಗಿ ರುಬ್ಬಿ. ನಂತರ ಅದನ್ನು ಸೋಸಿ..ಈಗ ತೆಂಗಿನ ಹಾಲು ಸಿದ್ಧ. ಇನ್ನೊಮ್ಮೆ ಆ ರುಬ್ಬಿದ ಮಿಶ್ರಣಕ್ಕೆ ೧ ಬಟ್ಟಲು ನೀರು ಹಾಕಿ ಸೋಸಿ..ಅದನ್ನು ಇನ್ನೊಂದು ಪಾತ್ರೆಯಲ್ಲಿ ಇಟ್ಟುಕೊಳ್ಳಿ.
 ಈಗ ಒಲೆ ಮೇಲೆ ಬಾಣಲೆ ಇಡಿ ..
              ಅದಕ್ಕೆ ೩-೪ ಚಮಚ ತುಪ್ಪ ಹಾಕಿ
               ಸೇವಿಗೆ ಹಾಕಿ ಸಣ್ಣ ಉರಿಯಲ್ಲಿ ಹುರಿಯಿರಿ...
              ಹೊತ್ತೀತು ಎಚ್ಚರಿಕೆ...
              ಆಯ್ತಾ?
             ಈಗ ಆ ಎರಡನೇ ಬಾರಿ ತೆಗೆದ  ತೆಂಗಿನ ಹಾಲಿನಲ್ಲಿ ಹುರಿದ ಸೇವಿಗೆಯನ್ನು ಹಾಕಿ ಬೇಯಿಸಿ.ಗೋಡಂಬಿ ದ್ರಾಕ್ಷಿ ಹುರಿಯದೆ ಹಾಕಿ ..... ಸ್ವಲ್ಪ ಬೇಕಾದರೆ ನೀರು ಸೇರಿಸಿ... ಬೆಂದ ಮೇಲೆ ಸಕ್ಕರೆ ಸೇರಿಸಿ.. ಖೊವಾನು ಬೇಕಾದರೆ  ಮತ್ತೆ ಕುದಿಸಿ..ಹುಂ? ಗಟ್ಟಿಯಾಗ್ತಾ ಇದೆ ಅಂತಲಾ?ಅದ್ಕೆನೆ ಇನ್ನು ತೆಂಗಿನ ಹಾಲನ್ನು ಉಳಿಸಿಕೊಂಡಿರೋದು:)
                               ಈಗ ತೆಂಗಿನ ಹಾಲನ್ನು ಸೇರಿಸಿ..ಒಂದೇ ಕುದಿ ಸರಿ ಬೇಗ ಬೇಗ ಒಲೆ off  ಮಾಡಿ .

'ಸರಳ ಅಡುಗೆಯ ಸವಿಯಲ್ಲಿ"

ಚಂದ್ರಿಕಾ ಹೆಗಡೆ