ಪುನರ್ಪುಳಿ (ಕೋಕಂ) ತಂಬುಳಿ

ಅಗತ್ಯ:
          ಪುನರ್ಪುಳಿ ಒಣಗಿದ ಸಿಪ್ಪೆ ೫-೬. ೧ ಗಂಟೆಯ ಕಾಲ ನೆನಸಿಡಿ
          ( ಹಸಿ ಇದ್ದರೆ ಹಣ್ಣನ್ನು ಒಡೆದು ಅದರ ರಸದಿಂದ ಮಾಡಬಹುದು)
          ಬೆಳ್ಳುಳ್ಳಿ ೫-೬ ಎಸಳು.
           ತೆಂಗಿನ ಹಾಲು ೧/೨ ಕಪ್.
           ಹಸಿಮೆಣಸು ೨-3
          ನಿಂಬೆ ಗಾತ್ರದ ಬೆಲ್ಲ
           ಕರಿಬೇವು೩-೪ ಎಲೆಗಳು
           ಒಗ್ಗರಣೆಗೆ ಸಾಸಿವೆ, ಎಣ್ಣೆ ಸ್ವಲ್ಪ.
          
          ಅಡುಗೆ ನಡಿಗೆ:

          ಬಾಣಲೆಗೆ ಸ್ವಲ್ಪ ಎಣ್ಣೆ,  ಸಾಸಿವೆ , ಹಾಕಿ ಚಟ್ ಪಟ್ ಅನ್ನುವಾಗ ಬೆಳ್ಳುಳ್ಳಿ ,ಹಸಿಮೆಣಸು  ಹಾಕಿ.. ಹುರಿಯಿರಿ.. ನಂತರ ಕರಿಬೇವು ಅರಿಸಿನ ಹಾಕಿ ಒಲೆ off  ಮಾಡಿ.  ಈಗ ನೆನಸಿದ ಸಿಪ್ಪೆಯನ್ನು  ಹಿಂಡಿ ಸೋಸಿಕೊಳ್ಳಿ. ಒಗ್ಗರಣೆಗೆ ಸೇರಿಸಿ. ಉಪ್ಪು ಬೆಲ್ಲ ರುಚಿಗೆ ತಕ್ಕಸ್ಟು ಹಾಕಿ ತೆಂಗಿನ ಹಾಲನ್ನು ಮಿಕ್ಸ್ ಮಾಡಿ.

 ಸರಳ , ಆದರೆ ಆರೋಗ್ಯಕ್ಕೆ ಉತ್ತಮವಾದ ಪದಾರ್ಥ ಇದು..ಅಮ್ಮನ ಹತ್ತಿರ ಇನ್ನಸ್ಟು ಅನ್ನ ಮಾಡುವದಕ್ಕೆ ಹೇಳ್ತಿರಾ!  

 ಬೇಸಿಗೆಯ ಪಾನೀಯವಾಗಿಯೂ ಬಳಸಬಹುದು .


ಇದನ್ನೇ ಪಾನೀಯವನ್ನು ತಯಾರಿಸುವಾಗ...
 ನೆನಸಿದ ಸಿಪ್ಪೆ ಹಿಂಡಿ ಸೋಸಿ ಅದಕ್ಕೆ ಏಲಕ್ಕಿ ಬೆಲ್ಲ ಹಾಕಿಕೊಳ್ಳಬಹುದು...ನೆನಪಿರಲಿ ಈ ಪಾನೀಯಕ್ಕೆ ಬೆಲ್ಲಾನೆ ಸೂಕ್ತ!